كەشە ىستامبۇلدا قازاقستان رەسپۋبليكاسىنىڭ قورعانىس ءمينيسترى ادىلبەك جاقسىبەكوۆ تۇركيا اسكەري-تەڭىز كۇشتەرىنە جاڭا كەمە تاپسىرۋ سالتاناتتى ءراسىمى بارىسىندا وسى ەلدىڭ پرەمەر-ءمينيسترى رەدجەپ ەردوعانمەن كەزدەستى. كەمە ەلدىڭ جاعالاۋ ماڭى اۋماقتىق سۋلارىنىڭ پاترۋلدىك قىزمەتىنە ارنالعان.
كەشە ىستامبۇلدا قازاقستان رەسپۋبليكاسىنىڭ قورعانىس ءمينيسترى ادىلبەك جاقسىبەكوۆ تۇركيا اسكەري-تەڭىز كۇشتەرىنە جاڭا كەمە تاپسىرۋ سالتاناتتى ءراسىمى بارىسىندا وسى ەلدىڭ پرەمەر-ءمينيسترى رەدجەپ ەردوعانمەن كەزدەستى. كەمە ەلدىڭ جاعالاۋ ماڭى اۋماقتىق سۋلارىنىڭ پاترۋلدىك قىزمەتىنە ارنالعان.
ادىلبەك جاقسىبەكوۆ تۇركيا پرەمەر-ءمينيسترى رەدجەپ ەردوعاندى سالتاناتتى راسىممەن قۇتتىقتاپ, جىلى قابىلداۋىنا العىسىن ءبىلدىردى. قازاقستان قورعانىس ۆەدومستۆوسىنىڭ باسشىسى وسى اپتا باسىندا انكارادا تۇركيانىڭ جوعارى اسكەري باسشىلىعىمەن بولعان كەزدەسۋلەر مەن تۇرىك اسكەرىنىڭ جاۋىنگەرلىك دايىندىعى جانە قورعانىس-ونەركاسىبى كەشەنىمەن تانىسۋ شارالارى ەكىجاقتى اسكەري ىنتىماقتاستىقتى بەلسەندى ەتە تۇسۋگە ايتارلىقتاي قارقىن بەرەتىنىن اتاپ ءوتتى.
قازاقستان قورعانىس ءمينيسترى: «بۇگىنگى كەمەنى سۋعا ءتۇسىرۋ شاراسى سولتۇستىكاتلانتيكا اليانسى ەلدەرى اراسىندا تۇركيا اسكەرىنىڭ ەڭ جەتىلدىرىلگەن جانە ءتيىمدى ارميا ەكەنىن تاعى ءبىر دالەلدەيدى. قازاقستان رەسپۋبليكاسىنىڭ قورعانىس مينيسترلىگى تۇركيانىڭ قورعانىس ۆەدومستۆوسى جانە قارۋلى كۇشتەرىمەن اراداعى ىنتىماقتاستىقتى ءونىمدى دامىتۋعا ۇلكەن ماڭىز بەرەدى», – دەپ اتاپ ءوتتى.
ادىلبەك جاقسىبەكوۆ پەن رەدجەپ ەردوعان اسكەري سالاداعى قازاق-تۇرىك ءوزارا ءىس-قيمىلدارى ەكى ەل مەملەكەت باسشىلارى قول جەتكىزگەن ءوزارا ءتيىمدى ىنتىماقتاستىق شەڭبەرىندە ودان ءارى دە جەمىستى دامي بەرەتىنىنە سەنىم ءبىلدىردى.
