مەگا-ساباق ۆ.پ. استافەۆ اتىنداعى كراسنويارسك مەملەكەتتىك پەداگوگيكالىق ۋنيۆەرسيتەتىنىڭ ينفورماتيكا جانە ءبىلىم بەرۋدەگى اقپاراتتىق تەحنولوگيالار كافەدراسى مەن (رەسەي, كراسنويارسك ق.) اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ ينفورماتيكا جانە ءبىلىمدى اقپاراتتاندىرۋ كافەدراسى جانىنداعى ءبىلىمدى اقپاراتتاندىرۋ ماسەلەلەرى جانە ءبىلىم تەحنولوگيالارى حالىقارالىق عىلىمي زەرتحاناسىنىڭ ۇيىمداستىرۋىمەن ءوتتى.
مەگا-ساباققا قازاقستان جانە رەسەي مەملەكەتتەرىنىڭ مەكتەپتەرى قاتىستى: «تۇران» مەكتەپ-ليتسەيى, ينفورماتيكا ءپانىنىڭ مۇعالىمى داۋتوۆا ت.ك. (الماتى ق.); س.ا. حودجيكوۆ اتىنداعى №39 ليتسەي, ينفورماتيكا ءپانىنىڭ مۇعالىمى تۋلەميسوۆا گ.ن. (الماتى ق.); كاسىپكەرلەر مەكتەبى, ينفورماتيكا ءپانىنىڭ مۇعالىمى دياكوۆا ن.ە. (الماتى ق.); №9 گيمنازيا, ينفورماتيكا ءپانىنىڭ مۇعالىمى پوتۋپچيك ە.گ. (كراسنويارسك ق.); №14 گيمنازيا, ينفورماتيكا ءپانىنىڭ مۇعالىمى پەتراكوۆ ە.ۆ. (كراسنويارسك ق.)
جەتەكشى كوورديناتورلار: كراسنويارسك قالاسىنىڭ №9 گيمنازياسىنىڭ مۇعالىمى بۋراكوۆا ا.ن. جانە اباي اتىنداعى قازۇپۋ-دىڭ اعا وقىتۋشىسى اككاسىنوۆا ج.ك. ساراپشىلار ءرولىن ۆ.پ. استافەۆ اتىنداعى كمپۋ مەن اباي اتىنداعى قازۇپۋ-دىڭ پروفەسسور-وقىتۋشىلار قۇرامى اتقاردى (ياكوۆلەۆا ت.ك., كامالوۆا گ.ب., حەگاي ل.ب., يۆكينا ل.م., دوروشەنكو ە.گ.).
بارلىق مەگا-ساباق قاتىسۋشىلارىنىڭ ءوزارا ارەكەتتەسۋى Zoom ۆيدەوكونفەرەنتسيا پلاتفورماسى نەگىزىندە ۇيىمداستىرىلدى.
مەگا-ساباق بارىسىندا مەكتەپ وقۋشىلارى سۋ تاسقىنى, جەر سىلكىنىسى, تايعاق, ينەرتسيا, كۇن ساۋلەسى تاقىرىپتارىندا ءارتۇرلى ونلاين سەرۆيستەردىڭ كومەگىمەن اقپاراتتىق ۆيدەوروليكتەر, انيماتسيالار, بۋكلەتتەر, پرەزەنتاتسيالار جاساۋمەن اينالىستى. وسىنداي اقپاراتتىق ونىمدەر جاساۋ بارىسىندا ولار مۇمكىن قاۋىپ-قاتەرلەردى فيزيكا تۇرعىسىنان ءتۇسىندىرىپ, ولاردىڭ سالدارىنان بولاتىن ماسەلەلەردى شەشۋ جولدارىن ۇسىندى.
وقۋشىلار ينفورماتيكا ساباعىنىڭ وسىنداي فورماتتا ءوتىلۋىن وتە جوعارى باعالاپ, ۇيىمداستىرۋشىلارعا ءوز العىستارىن ءبىلدىردى. ال, مەكتەپ مۇعالىمدەرى, ءوز كەزەگىندە, وسىنداي ءىس-شاراعا قاتىسا وتىرىپ, وزدەرىنىڭ بىلىكتىلىگىن ارتتىرۋعا مۇمكىندىك العاندارىن العا تارتتى.
ۇيىمداستىرىلعان مەگا-ساباق ءماجبۇرلى قاشىقتىقتان وقىتۋ جاعدايىندا مەگا-سىنىپ ءبىلىم بەرۋ تەحنولوگيالىق پلاتفورماسىنىڭ الەۋەتىنىڭ ايتارلىقتاي جوعارى ەكەندىگىن كورسەتتى.
