توتەنشە جاعداي باستالعان كەزدەن بۇگىنگە دەيىن 22 كۋرس ۇيىمداستىرىلعان. بۇل دارىستەرگە ونلاين رەجيمدە ءوزىن-ءوزى تانۋ, قازاق, اعىلشىن ءتىلى, گەوگرافيا تاعى باسقا بىرنەشە پاننەن ارنايى كۋرستارى ءوتتى. 250 ۇستاز كۋرستى تولىق اياقتاپ, سەرتيفيكات السا, تاعى 250 مۇعالىمنىڭ ونلاين كۋرسى وسى اپتادا اياقتالماق.
– كۋرستارعا بارلىق ۇستازدار بەلسەندى قاتىسۋدا, ەش كەدەرگىسىز ءتامامداپ جاتىر, - دەيدى «ورلەۋ» بىلىكتىلىكتى ارتتىرۋ ۇلتتىق ورتالىعى فيليالىنىڭ زەرتحانا مەڭگەرۋشىسى بايان سۇيىندىكوۆا.
ءبىلىم الۋعا ەش كەدەرگى جوق. جاڭا زاماننىڭ تالابىنا ساي تەحنولوگيانى قاپىسىز مەڭگەرگەن ۇستازدار قاۋىمى قاشىقتان وقىتۋ كەزىندە ءبىلىم يگەرۋدە.
– ءوز ءبىلىمىن جەتىلدىرۋ ءوز ماماندىعىن سۇيەتىن, ءوز ىسىنە جاۋاپتى قارايتىن العان ءدارىستى ءتيىمدى پايدالاناتىن مۇعالىمدىك كاسىپكە ءتان جاعداي. قاشىقتان وقىتۋ وقۋشىعا عانا ەمەس, مۇعالىمدەردىڭ بىلىكتىلىگىن ارتتىرۋعا دا زور ۇلەس قوسىپ جاتىر,– دەيدى №17 مەكتەپ-گيمنازياسىنىڭ مۇعالىمى الميرا ماحمەتوۆا.
كۋرستى اياقتاعان پەداگوگتارعا سەرتيفيكات ەلەكتروندى پوچتا ارقىلى جىبەرىلەدى. قاعاز تۇرىندە قاجەت بولىپ جاتسا, ورتالىققا كەلىپ الۋعا دا جاعداي جاسالعان.
