بۇل تۋرالى اۋداندىق اۋىل شارۋاشىلىعى ءبولىمىنىڭ باسشىسى عالىم دۇيسەنبەكوۆ مالىمدەدى. توپان سۋ باسقان 5 اۋىلدا جوسپارلى جۇمىستار جۇيەلى جۇزەگە اسۋدا. بۇگىنگە دەيىن اۋداندا 1689 گەكتارعا ءداندى جانە بۇرشاقتى داقىلدار, 42043 گەكتارعا ماقتا, 9893 گەكتارعا كارتوپ, كوكونىس جانە باقشا داقىلدارى, 1620 گەكتارعا مال ازىقتىق, 449 گەكتار اۋماققا كۇرىش داقىلدارى وتىرعىزىلعان. «اۋداندا ءاربىر گەكتاردان تۇسەتىن ءونىم كولەمىن ۇلعايتۋ ماقساتىندا ءبىر جەردەن ەكى رەت ءونىم الۋ جۇمىسى ءتيىمدى جۇزەگە اسىپ وتىر. بيىلدىڭ وزىندە اۋدانىمىزدا 84 شارۋا قوجالىعى 349 گەكتار ەگىستىك القاپقا ەرتە پىسەتىن قىرىققابات داقىلىن ەگىپ, جينالعان 5721 توننا ءونىمىن ەلىمىزدىڭ وزگە اۋماقتارى مەن تمد ەلدەرىنە ەكسپورتتاۋ جۇمىستارىن جۇرگىزۋدە. اتالعان 84 شاۋرا قوجالىعىنىڭ 10-ى ءبىرىنشى ءونىمىن جيناپ, ەكىنشى ونىمگە باقشا داقىلدارىن ەگۋ جۇمىستارىن جۇرگىزۋدە», - دەيدى عالىم مىرزاحان ۇلى.
سونداي-اق ءبولىم باسشىسى ماقتاارالدىق ديقانداردىڭ «Qoldau.kz» سايتى ارقىلى مەملەكەتتىك جاردەمدەردى (سۋبسيديالاردى) الىپ جاتقانىن ايتىپ ءوتتى. جەڭىلدەتىلگەن باعامەن 20 مىڭ توننا مينەرالدى تىڭايتقىش ۇلەستىرىلگەن. كوكتەمگى دالا جۇمىستارىن جۇرگىزۋ ءۇشىن 4160 مىڭ تونناعا جۋىق جانار-جاعار ماي ءبولىنىپ, ونىڭ 1335 تونناسى شارۋالارعا تاراتىلعان.
تۇركىستان وبلىسى
