2019 جىلى 607 رەسمي دەمالىس ورنى (500 جەكە مەنشىك جانە 107 كوممۋنالدىق جاعاجاي) جۇمىس ىستەدى. ەلىمىزدىڭ قۇتقارۋشىلارى وتكەن جىلدىڭ سۋعا شومىلۋ ماۋسىمى كەزىندە 269 ادامدى, ونىڭ ىشىندە 85 بالانى قۇتقاردى.
جىل باسىنان بەرى ەلىمىزدىڭ سۋايدىندارىندا 38 ادام سۋعا باتىپ كەتتى, ونىڭ ىشىندە 13-ءى كامەلەتتىك جاسقا تولماعاندار. سۋ ايدىندارىندا ادامداردىڭ قازا بولۋىنىڭ نەگىزگى سەبەپتەرى:
- بالىق اۋلاۋ ەرەجەلەرىن ساقتاماۋ (22 ادام, ونىڭ ىشىندە 5 ادام مۇز استىنا ءتۇسىپ كەتتى);
- مۇز استىنا ءتۇسىپ كەتتى (6 ادام, ونىڭ ىشىندە 6 بالا ويىن كەزىندە)
- سۋايدىنىندا قاراۋسىز قالعان بالالاردىڭ سۋعا قۇلاۋى (6 بالا);
- ءوز كۇشىن جەتە باعالاماۋ, سۋ بۇرعىشقا ءتۇسۋ, قاتتى اعىس, اياق-قولدىڭ قۇرىسۋى (3 ادام, ونىڭ ىشىندە 1 بالا);
- ماس كۇيىندە سۋعا شومىلۋ (1 ادام).
جالپى وتكەن جىلمەن سالىستىرعاندا 23 ادامعا ازايعانى بايقالادى.
ەلىمىزدە كارانتيننىڭ ءىس-ارەكەتىنە قاراماستان, بەلگىلەنبەگەن جەرلەردە سۋعا شومىلۋعا بايلانىستى 4 ادام, نۇر-سۇلتان, پاۆلودار قالالارىندا, اقمولا جانە تۇركىستان وبلىستارىندا ءبىر ادامنان سۋعا باتىپ كوز جۇمدى.
بۇل رەتتە, جىل باسىنان بەرى الماتى – 6 ادام, قاراعاندى جانە تۇركىستان وبلىستارىندا 4 ادامنان قازا تاپتى. بۇل جەردە ادامداردىڭ قازا بولۋىنىڭ نەگىزگى سەبەپتەرى بالىق اۋلاۋ كەزىندە قاۋىپسىزدىك ەرەجەلەرىن بۇزۋ بولىپ تابىلادى.
ەلىمىزدىڭ سۋ ايدىندارىنداعى وقيعالار سانىن ازايتۋ ماقساتىندا قۇتقارۋشىلار الدىن الۋ جۇمىستارىن جۇرگىزۋدە. قۇتقارۋ بولىمشەلەرىنىڭ جەكە قۇرامى سۋعا شومىلۋ ماۋسىمى كەزىندە (1 مىڭنان استام قۇتقارۋشى) قىزمەت اتقارۋدىڭ كۇشەيتىلگەن تۇرىنە اۋىستىرىلدى. 300-دەن استام ءجۇزۋ قۇرالى مەن سۋداعى 1000-عا جۋىق قۇتقارۋ قۇرالى دايىندالدى.
قۇتقارۋ بولىمشەلەرىندە سۋداعى رەسمي دەمالىس ورىندارىن قامتۋدى ارتتىرۋ ءۇشىن قوسىمشا 85 قۇتقارۋشى-جاساقشى وقىتىلادى.
قازىر جەدەل-قۇتقارۋ جاساقتارى جابدىقتالماعان ۋچاسكەلەر مەن تابيعي جاعاجايلارعا ماۋسىمدىق ءموبيلدى قۇتقارۋ بەكەتتەرىن قويادى, بارلىعى 53 بەكەت قويۋ جوسپارلانۋدا.
ءموبيلدى بەكەتتەر ەلىمىزدىڭ سۋايدىندارىنىڭ 240 ۋچاسكەسى, ونىڭ ىشىندە 27 كوممۋنالدىق اكۆاتوريا جانە 213 تابيعي جاعاجاي قامتىلاتىن بولادى. الايدا, جابدىقتالماعان جانە شومىلۋعا تىيىم سالىنعان سۋايدىندارىندا سۋعا شومىلۋ فاكتىلەرى بار, وندا ولىممەن اياقتالعان جازاتايىم وقيعالار ءجيى ورىن الادى. ازاماتتار ءوز كۇشىن دۇرىس باعالاماۋ سالدارىنان سۋدا كوز جۇمادى. وتكەن جىلى 268 ادام, ونىڭ ىشىندە 87 بالا كوز جۇمدى.
سونىمەن قاتار, كارانتينگە بايلانىستى حالىق اراسىندا ۇگىت-ناسيحات ونىمدەرىن تاراتۋ جۇمىستارى (پاراقشالار, جادىنامالار, بروشيۋرالار), سونداي-اق رەيدتىك ءىس-شارالار جۇرگىزىلمەيدى.
