اقش-تىڭ مونتانا شتاتىنىنىڭ تۇرعىنى, بۇرىنعى مۇعالىم ستەيسي دين رەمبولد ءوزىنىڭ وقۋشىسى, 14 جاسار چەريس مورالەستى زورلاعانى ءۇشىن 1 ايعا عانا باس بوستاندىعىنان ايىرىلعان. بۇل تۋرالى ريا «نوۆوستي» اگەنتتىگى حابارلادى.
قىلمىسىنا قاراپ ايتقاندا وتە قىسقا مەرزىمگە سوتتالعان ستەيسي دين رەمبولد ءتىپتى, وزىنە كەسىلگەن جازاسىن وتەپ تە قويدى. ول وتكەن بەيسەنبىدە بوستاندىققا شىقتى.
رەمبولد ءوزىنىڭ وقۋشىسى چەريس مورالەستى زورلاعانىن تولىق مويىنداعان. ال زورلانعان قىز 17 جاسقا تولار شاعىندا وزىنە-ءوزى قول سالىپ قايتىس بولعان.
اتالعان قىلمىستىق ىسكە قاتىستى ۇكىم شىعارعان سوت تودد باف: «چەريس مورالەس زورلانعان كەزدە قۇجاتتا كورسەتىلگەن جاسىنان ۇلكەن بولعان» دەپ تۇسىنىكتەمە بەرگەن. الايدا, تودد باف كەيىننەن ءوزىنىڭ ورەسكەل قاتەلىك جىبەرگەنى ءۇشىن كەشىرىم سۇراعان. ەندى قىلمىستىق ءىس قايتا قارالماق.
ال اقش-تىڭ بەلسەندى قۇقىق قورعاۋشىلارى بۇرا تارتقان بافتى جازاعا تارتۋ كەرەكتىگىن ايتىپ سوتقا شاعىم تۇسىرگەن. بۇل شاعىمعا 140 مىڭ ادام قول قويعان.
«سوت قاتەلىك جىبەردى. قىز زورلاعانى ءۇشىن قىلمىسكەردى 31 كۇنگە عانا تۇرمەدە وتىرعىزۋ ادىلەتسىز. مونتانانىڭ جوعارعى سوتى ءىستى ءادىل شەشەدى دەپ كۇتەمىن», - دەدى قايتىس بولعان قىزدىڭ شەشەسى وليا حانلون.
جولدىباي بازار.
