ۇزدىكتەر كوشىن 31 جاستاعى رەسەيلىك حابيب نۇرماگومەدوۆ باستاپ تۇر. جەڭىل سالماقتا كۇش سىناساتىن داعىستاننىڭ ءدۇلد ۇلى وسى كۇنگە دەيىن 28 كەزدەسۋ وتكىزىپ, سونىڭ بارلىعىندا باسىمدىق تانىتتى. 18 قارسىلاسىن ول مەرزىمىنەن بۇرىن ۇتتى.
جارتىلاي اۋىر سالماقتاعى دجون دجونس ەكىنشى ورىندى يەلەنۋدە. 32 جاستاعى اقش-تىڭ ساڭلاعى 28 رەت وكتاگونعا شىقتى. 2009 جىلى مەتت حەميلگە رۇقسات ەتىلمەگەن ءادىس قولدانعانى ءۇشىن ونىڭ شەردوگىنا جەڭىلىس جازىلدى. ال وسىدان ءۇش جىل بۇرىن دانيەەل كورمەگە قارسى وتكىزگەن كەزدەسۋدىڭ ناتيجەسى ەسەپكە الىنبادى. قالعان جەكپە-جەكتەرىنىڭ بارلىعىندا دجونس جەڭىسكە جەتتى. 16 قارسىلاسىن ول ەسىنەن تاندىردى.
ءۇشىنشى ورىندا – گەنري سەحۋدو. اسا جەڭىل سالماقتاردا باق سىناپ جۇرگەن 33 جاستاعى امەريكالىق ارلان 18 باسەكەنىڭ تەك ەكەۋىندە عانا ەسە جىبەردى. سول جەڭىستەرىنىڭ تەڭ جارىسىن مەرزىمىنەن بۇرىن اياقتادى.
سونداي-اق ستيپ ميوچيچ (حورۆاتيا/اقش. 19 جەڭىس, 3 جەڭىلىس), دانيەەل كورمە (اقش. 22 جەڭىس, 2 جەڭىلىس, 1 كەزدەسۋدىڭ ناتيجەسى ەسەپكە الىنعان جوق), يسراەل ادەسانيا (جاڭا زەلانديا. 19 جەڭىس, 0 جەڭىلىس), كامارۋ ۋسمان (نيگەريا/اقش. 16 جەڭىس, 1 جەڭىلىس), دەمەتريۋس دجونسون (اقش. 30 جەڭىس, 3 جەڭىلىس, 1 رەت تەڭ ەسەپ), الەكساندر ۆولكانوۆسكي (اۋستراليا. 21 جەڭىس, 1 جەڭىلىس) جانە دجاستين گەتجي (اقش. 22 جەڭىس, 2 جەڭىلىس) سىندى ساڭلاقتار ۇزدىك وندىقتىڭ قاتارىنا ەنىپ وتىر.
