ايماقتار • 19 مامىر، 2020

تەڭىز كەنىشىندە ينفەكتسيالىق ستاتسيونار جۇمىسىن باستادى (ۆيدەو)

203 رەت كورسەتىلدى

تەڭىز كەنىشىندە 230 ورىندىق ينفەكتسيالىق ستاتسيونار جۇمىسىن باستادى. بۇعان كەن ورنى جۇمىسشىلارى اراسىندا قاۋىپتى ىندەتكە شالدىعۋ دەرەگىنىڭ كۇرت كوبەيۋى اسەر ەتىپ وتىر.

توتەنشە جاعداي رەجيمىن قامتاماسىز ەتۋ جونىندەگى وڭىرلىك جەدەل شتابتىڭ مالىمەتىنە سۇيەنەر بولساق، قازىر بۇل ستاتسيوناردا   211 ناۋقاس ەم قابىلداۋدا. ولاردىڭ اراسىنداعى  55 ادامدا قاۋىپتى ىندەتتىڭ جەڭىل ءتۇرى كورىنىس بەرىپتى. ال 156 ناۋقاستا بۇل ىندەت سيمپتومسىز وتۋدە.

– ينفەكتسيالىق ستاتسيوناردا جۇمىس ىستەۋگە №2 وبلىستىق اۋرۋحانانىڭ 25 قىزمەتكەرى جۇمىلدىرىلدى. ولار –3 دارىگەر، 16 ورتا جانە 6 كىشى مەديتسينا قىزمەتكەرى. بۇعان قوسا تاعى قوسىمشا 1 تەراپەۆت،  1 ينفەكتسيونيست پەن 8 كىشى مەديتسينالىق قىزمەتكەر قاجەت، - دەپ اقپارات تاراتتى وڭىرلىك جەدەل شتاب. –سونىمەن بىرگە، ستاتسيوناردا جۇمىس ىستەۋگە تشو كلينيكاسىنىڭ 32 دارىگەرى مەن  30 ورتا مەديتسينالىق قىزمەتكەرى تارتىلدى.

– قازىرگى ۋاقىتتا ستاتسيونارلاردا ناۋقاستارمەن بايلانىستا بولعان  2000-نان استام ادام  كارانتيندە جاتىر.  ەپيدەميولوگتار ناۋقاستاردى وقشاۋلاۋ جۇمىستارىن جۇرگىزۋدە.  كارانتيندىك شارالار ۋاقىتىندا ەنگىزىلمەي، بلوكپوستتار دۇرىس ورناتىلماعان كەزدە، ەپيدەميولوگيالىق جاعداي باقىلاۋدان شىعىپ، ينفەكتسيا وبلىس ورتالىعىنا تارالۋى مۇمكىن ەدى، -  دەپ حابارلادى جەدەل شتابتان.

«پتشو»  ۆاحتالىق كەنتىنىڭ اۋماعىندا اناليزدەردى جيناپ،  وڭدەۋمەن ۇلتتىق ساراپتاما ورتالىعىنىڭ اتىراۋ وبلىسى بويىنشا فيليالى، «وليمپ»  جانە وبلىستىق  وباعا قارسى كۇرەس ستانتسياسىنىڭ ءموبيلدى زەرتحاناسى اينالىسىپ جاتىر.  ەندى كەن ورنىندا  رەسپۋبليكالىق ۇلتتىق ساراپتاما ورتالىعىنىڭ زەرتحاناسىنىڭ ماماندارى دا ىسكە كىرىسەدى.

 

سوڭعى جاڭالىقتار

ۇقساس جاڭالىقتار