سپورت • 19 مامىر، 2020

مايكل دجوردان جايىندا فيلم كورسەتىلۋدە

6 رەت كورسەتىلدى

بۇل كۇندەرى اقش-تىڭ كوپتەگەن قالالارىندا «سوڭعى بي» دەپ اتالاتىن دەرەكتى فيلم كورسەتىلۋدە. وسى فيلم ارقىلى داڭقتى باسكەتبولشى مايكل دجورداننىڭ سپورتتىق كارەراسى قالاي وربىگەنى جايىندا تولىق ماعلۇمات الۋعا بولادى.

57 جاستاعى نيۋ-يورك قالاسىنىڭ تۋماسى الەمدىك سپورت تاريحىندا وشپەس ءىز قالدىرعانىنا ەشكىمنىڭ كۇمانى بولماسا كەرەك. 1984 جىلى «چيكاگو بۋللزدىڭ» جەيدەسىن كيگەن جاس مايكل قىسقا عانا مەرزىم ارالىعىندا ورتاڭ قول ۇجىمدى ۇلتتىق باسكەتبول قاۋىمداستىعىننىڭ (ۇبق) ەڭ داڭقتى كوماندالارىنىڭ ءبىرى ءارى بىرەگەيىنە اينالدىردى. راسىندا دا، سپورتتىڭ بۇل تۇرىندە ونىڭ باعىندىرماعان بەلەسى جوق. ءدال وسى ويىنشىعا كوپتەگەن كەرەمەت كورسەتكىشتەر تيەسىلى. 2004 جىلى «ۇشقىش دجوردان» ءوز كارەراسىن اياقتاعانىمەن، ونىڭ رەكوردتتارىنىڭ كوبىنىڭ ءالى دە مۇرتى بۇزىلماي تۇر. مايكلدىڭ بارلىق تابىسىن ءبىر عانا ماقالاعا سىيدىرۋ مۇمكىن ەمەس. ال قىسقا قايىراتىن بولساق، دجوردان – الەمدىك باسكەتبول تاريحىنداعى ەڭ ۇزدىك ويىنشى رەتىندە تۇبەگەيلى مويىندالعان تۇلعا.

داڭقتى باسكەتبولشى، تاسى ورگە دومالاعان بيزنەسمەن، ءمارت مەتسەنات تۋرالى تۇسىرىلگەن وسى 10 سەريالى فيلم قازىرگى كەزدە اقش كينوتەاترلارىندا كورسەتىلۋدە. العاشقى سەرياسىنىڭ ءوزىن 12 ميلليوننان اسا ادام تاماشالاعان ەكەن. ەگەر ءدال وسىلاي جالاعاساتىن بولسا، وندا  «سوڭعى بي» دەرەكتى فيلمدەر اراسىندا رەكوردتىق كورسەتكىشكە قول جەتكىزەتىنى انىق.   

سوڭعى جاڭالىقتار

ۇقساس جاڭالىقتار