ايماقتار • 06 قازان، 2020

iKOMEK ورتالىعىنا 1 ملن-نان استام ءوتىنىش ءتۇستى

144 رەت كورسەتىلدى

ەلىمىزدە كارانتين ەنگىزىلگەننەن كەيىن ەلوردالىق iKomek ورتالىعىنا 1 ملن-نان استام ءوتىنىش كەلىپ تۇسكەن. ەلوردالىقتاردى كوبىنە كوروناۆيرۋسقا، دەنساۋلىق ساقتاۋ جۇيەسى مەن قوعامدىق كولىك جۇمىسىنا قاتىستى ماسەلەلەر تولعاندىردى.

"كارانتين كەزەڭىندە 2020 جىلدىڭ 16 ناۋرىزى مەن 24 قىركۇيەگى ارالىعىندا iKOMEK ورتالىعىنا 1 073 094 ءوتىنىش كەلىپ ءتۇستى، ونىڭ ىشىندە: كەڭەس الۋ ءۇشىن - 902 171، العىس بىلدىرگەندەر – 2 159، ۇسىنىستار – 2 626. وتىنىشتەردىڭ ەڭ كوپ سانى كوروناۆيرۋسقا قاتىستى – 334 672 (31،19%)، دەنساۋلىق ساقتاۋ بويىنشا – 231 979 (21،62%)، قوعامدىق كولىك جۇمىسى ماسەلەلەرى بويىنشا – 145 873 (13،59%)، قالانى ەلەكترمەن جابدىقتاۋ جونىندە – 52 956 (4،93%)، بىرىڭعاي تولەم قۇجاتى بويىنشا– 38 858 (3،62%) ءوتىنىش تىركەلگەن"، - دەلىنگەن "iKomek"ورتالىعىنىڭ ستاتيستيكالىق حابارلاماسىندا.

قوعامداعى ماسەلەلەر بويىنشا وتىنىشتەردىڭ 71،3%-ى كوممۋنالدىق قىزمەتتەر مەن قالالىق باسقارمالاردىڭ بارلىق كولل-ورتالىقتارىنا 109 قىسقا نومىرمەن بىرىكتىرەتىن iKOMEK109 بىرىڭعاي بايلانىس ورتالىعى ارقىلى كەلىپ تۇسەدى. بۇل سەرۆيس 24/7 رەجيمدە حالىقپەن بايلانىساتىن وڭتايلى قۇرال. ونىڭ كومەگىمەن تۇرعىندار سۇراقتارىنىڭ 85،3%-ى ءبىرىنشى قوڭىراۋدان كەيىن شەشىلەدى، قالعاندارى جەتى كۇن ىشىندە پىسىقتالادى.

"كۇن سايىن بىزگە 7 000-نان 29 000-عا دەيىن ءوتىنىش تۇسەدى. ولاردىڭ كوپ بولىگى قايتالانادى. جۇمىستىڭ 99% -ى وڭدەلەدى. كۇن سايىن كوممۋنالدىق كاسىپورىندار مەن اكىمدىك باسقارمالارىنىڭ جۇمىسىندا 6 000-عا جۋىق ءوتىنىش بار. بۇل رەتتە 1 800-دەن استام قىزمەت بويىنشا وپەراتور ءبىرىنشى قوڭىراۋدان باستاپ 16 سەكۋند ىشىندە جاۋاپ بەرە الادى. ەگەر ءوتىنىش الەۋمەتتىك جەلىلەردە تۇسسە، وندا رەاكتسيا 10 مينۋت ىشىندە بەرىلەدى. ماسەلەنى قاراۋعا جانە جاۋاپ بەرۋگە جەتى كۇنگە دەيىن ۋاقىت كەتەدى"، - دەپ ناقتىلادى ورتالىقتا.

ببو قىزمەتىنە ءارتۇرلى تاسىلدەرمەن جۇگىنۋگە بولادى. بۇگىندە وتىنىشتەردى بەرۋدىڭ توعىز ارناسى جۇمىس ىستەيدى:

1) ۇيالى جانە قالالىق تەلەفوندار ارقىلى تەگىن 109 ءنومىرى ارقىلى;

2) Telegram-بوت: https://t.me/nursultanikomek109_bot;

3) قالا اكىمدىگىنىڭ سايتى astana.gov.kz;

4) "iKOMEK109" ءموبيلدى قوسىمشاسى (PlayMarket https://play.google.com/store/apps/details?id=kz.techman.ikomek&pcampaignid=MKT-Other-global-all-co-prtnr-py-PartBadge-Mar2515-1 نەمەسە Apple store https://itunes.apple.com/us/app/ikomek-109/id1447878430?mt=8);

5) "Smart Astana" ءموبيلدى قوسىمشاسى (PlayMarket / AppStore);

6) سايت https://aitu.city/;

7) ەلەكتروندى مەكەنجاي ارقىلى: 109@ikomekastana.kz;

8) Instagram: @ikomek109;

9) Facebook: https://www.facebook.com/ikomek109.

ايتا كەتۋ كەرەك، iKOMEK109 ءموبيلدى قوسىمشاسى جىلىنا 50 ملن تەڭگە بيۋدجەت قاراجاتىن ۇنەمدەۋگە مۇمكىندىك بەردى. بۇل قالا باسشىلىعىنىڭ ينتسيدەنتتەر تۋرالى سمس-حابارلامالاردان باس تارتىپ، وسى سەرۆيس ارقىلى پۋش-حابارلامالارعا اۋىسۋىنىڭ ارقاسىنداعى ناتيجە.

سونداي-اق iKomek ورتالىعىندا مونيتورينگتىڭ احۋالدىق ورتالىعى جۇمىس ىستەيدى، وندا 16 530 بەينەباقىلاۋ كامەراسى بار. ولاردىڭ كومەگىمەن ەلوردا كوشەلەرىندەگى جانە حالىق كوپ جينالاتىن ورىندارداعى جاعداي قاداعالانادى.

سونىمەن قاتار، بارلىق اقپارات "iKOMEK" تالداۋ ورتالىعىنا جىبەرىلەدى. بۇل بولىمدە قالانىڭ ەڭ وزەكتى جانە جۇيەلى ماسەلەلەرىن كورۋگە مۇمكىندىك بەرەتىن مالىمەتتەر بازاسى قۇرىلادى. وسىنىڭ ارقاسىندا ءارتۇرلى وقيعالاردىڭ تۇپكى سەبەپتەرى انىقتالادى. بۇل جۇيەلى جانە قايتالاناتىن ماسەلەلەردى شەشۋدىڭ ەڭ سەنىمدى شەشىمدەرىن قابىلداۋعا مۇمكىندىك بەرەدى.

سوڭعى جاڭالىقتار

اقاڭنىڭ تويى – الاشتىڭ مەرەيى

احمەت بايتۇرسىن ۇلى • كەشە

«اق ءپىل» سيندرومى

قوعام • كەشە

امبەباپ وقۋ ورتالىعى

ءبىلىم • كەشە

بىلىمدىگە جول اشىق

ءبىلىم • كەشە

يت يەسىنە تارتادى

قازاقستان • كەشە

كوكشەدەگى جارمەڭكە

ايماقتار • كەشە

ءجۇز جىلعى قۇدىق

تانىم • كەشە

ۇقساس جاڭالىقتار