راتيفيكاتسيالانعان ادب كەلىسىمگە 2019 جىلعى 27 تامىزدا نۇر-سۇلتان قالاسىندا قول قويىلدى. وسى حالىقارالىق كەلىسىم مەملەكەتتىك كەپىلدىكپەن قارىز الۋ كەزىندە بانكتىڭەرەجەلەرى مەن تالاپتارىن ساقتاۋ بويىنشا نورمالاردى بەلگىلەيدى, سونىمەن بىرگە جەكە سەكتورداعى ادب-مەن ىنتىماقتاستىقتى جانە بىرلەسكەن جوبالاردى قارجىلاندىرۋ قۇرالدارىن كەڭەيتۋگە مۇمكىندىك بەرەدى.
كەلىسىمگە سايكەس ىنتىماقتاستىقتىڭ نەگىزگى ماقساتتارى مەن باعىتتارى ماكروەكونوميكالىق ورنىقتىلىقتى ارتتىرۋ, ينفراقۇرىلىم مەن كوممۋنالدىق قىزمەتتەردى جاڭعىرتۋ, اۋىل شارۋاشىلىعى سەكتورىن دامىتۋعا جاردەمدەسۋ, شاعىن جانە ورتا بيزنەستى قارجىلاندىرۋعا قولجەتىمدىلىكتى جاقسارتۋ, ينفراقۇرىلىمعا جانە دەنساۋلىق ساقتاۋ مەن ءبىلىم بەرۋ سياقتى الەۋمەتتىك سەكتورلارعا ينۆەستيتسيالاردى ۇلعايتۋ بولىپ تابىلادى.
ازيا دامۋ بانكىنىڭ قىزمەتى جۇمىس ورىندارىن قۇرۋ, يننوۆاتسيالاردى ىنتالاندىرۋ, الەۋەتتى ۇلعايتۋ, ءبىلىم مەن ۇزدىك حالىقارالىق پراكتيكالاردى ەنگىزۋ نەگىزىندە كەڭ اۋقىمدى قولداۋ كورسەتۋ ارقىلى ەكونوميكالىق دامۋعا ءوز ۇلەسىن قوسىپ وتىر.
