ايماقتار • 18 مامىر، 2020

«وتان ءۇشىن وت كەشكەن باتىردىڭ ءبىز ۇرپاعىمىز!» مارافونى اياقتالدى

43 رەت كورسەتىلدى

«نازارباەۆ زياتكەرلىك مەكتەپتەرى» دەربەس ءبىلىم بەرۋ ۇيىمىندا ۇلى جەڭىستىڭ 75 جىلدىعىنا ارنالعان «وتان ءۇشىن وت كەشكەن باتىردىڭ ءبىز ۇرپاعىمىز!» مەرەيتويلىق مارافونى اياقتالدى. پاتريوتتىق جوبانىڭ باستى ماقساتى – ۇلى وتان سوعىسى تاريحىنداعى ناقتى ءبىر وتباسىنىڭ تاريحىن ەسكە الۋ.

زياتكەرلىك مەكتەپتەردىڭ وقۋشى، مۇعالىم جانە اتا-اناسى ءوز وتباسىلارىنىڭ تاريحىن مايداننان كەلگەن حاتتار مەن سۋرەتتەر، سونىمەن قاتار سوعىس جانە تىل ارداگەرلەرىنىڭ ەستەلىكتەرى ارقىلى ۇسىندى، دەپ حابارلايدى اتالعان ءبىلىم وشاعىنىڭ ءباسپاسوز قىزمەتى.

مارافون بويى الەۋمەتتىك جەلىلەردەگى NIS-ءتىڭ رەسمي اككاۋنتتارىنداعى جاريالانىمدار ۇلى جەڭىسكە ارنالادى. ونلاين فورماتتا شاڭىراقتاردا مايدان جانە تىل ارداگەرلەرىمەن كەزدەسۋ، « ۇلى جەڭىسكە تاعزىم» ەرلىك ساباقتارى ءوتىپ، «مەنىڭ وتباسىمنىڭ ارداگەر باتىرى» زەرتتەۋ جوبالارىنىڭ قورىتىندىسى جاريالاندى. قاشىقتان فورماتىنداعى «ول كۇندەردىڭ داڭقى وشپەيدى» ءان چەللەندجى، «مەن - باتىردىڭ ۇرپاعىمىن» ارت چەللەندجى، « ۇلى جەڭىستى جىرلايمىز» كوركەمسوز وقۋلارى كوپتىڭ قىزىعۋشىلىعىن تۋدىردى. ءار مەكتەپتە وقۋشىلار وتباسى مۇراعاتىندا ساقتالعان مايدان حاتتارى مەن سۋرەتتەرىن كورسەتكەن «سوعىس تۋرالى مونولوگ»، «مايداننان حات»، «وتتى جىلدار جاڭعىرىعى – وتباسىمدا» دەرەكتى فيلمدەرى دايىندالدى.دالا پوشتاسىنان جولدانعان ءاربىر سارعايعان ءۇشبۋ حاتتا بەيبىت ءومىر تۋرالى ارماندار مەن جوسپارلار، ءۇي ءىشى جانە جان دوستارمەن حابار الماسۋ، تۋعان جەرىنە دەگەن ساعىنىش جاتىر.

نۇر سۇلتان قالاسى فيزيكا-ماتەماتيكا باعىتىنداعى نازارباەۆ زياتكەرلىك مەكتەبىنىڭ وقۋشىسى دامير بەكەنوۆتىڭ اتاسى قادان بەكەنوۆ بەرليندى الۋعا قاتىسقان. قاراعاندى قالاسىنداعى نزم-نەن ميراس داۋىتقازىنىڭ اتاسى، اسكەري دارىگەر ءشارىپ سەكسەنوۆ مايدان دالاسىندا 15 500-دەن استام وتا جاساپتى.وسكەمەندىك زياتكەر الديار اۋباكيروۆتىڭ اتاسى ماحمەت قايىرباەۆقا كەڭەس وداعىنىڭ باتىرى اتاعى بەرىلدى. تاراز قالاسىنداعى نازارباەۆ زياتكەرلىك مەكتەپ  مۇعالىمى ەلميرا اكيموۆانىڭ اكەسى، ۇستاز تۇرسىن اكيموۆ سۇم سوعىس باستالىسىمەن ءوز ەركىمەن مايدانعا اتتانعان. الماتىلىق حيميا-بيولوگيا باعىتىنداعى مەكتەپتەن بوگدان ميرونوۆتىڭ اتاسى گريگوري ميرونوۆ لادوگا كولىنىڭ ايگىلى ء«ومىر جولىمەن»لەنينگراد بلوكاداسىنا ازىق-ت ۇلىك جەتكىزىپتى. تەگىن بۇگىندە قوستانايداعى زياتكەرلىك مەكتەپ وقۋشىلارى ديار مەن سانجار كۋستاۆلەتوۆتەر العان ابدراحمان كۋستاۆلەتوۆ ءوزىنىڭ ۇلى احمەتبەكتى اتقىشتار مەكتەبىندە كەزدەستىرگەن. ەلورداداعى فيزيكا-ماتەماتيكا باعىتىنداعى زياتكەرلىك مەكتەپتەن باتىرحان سارسەنوۆتىڭ اتاسى شامسۋتدين سارسەنوۆ كەڭەس بارلاۋشىلارى قۇرامىندا تەگەران كونفەرەنتسياسىندا «ۇلكەن ۇشتىك» كوشباسشىلارىنىڭ قاۋىپسىزدىگىن قامتاماسىز ەتتى. «بىلىمگە ۇمتىلىڭىزدار!» – شىمكەنتتىك فيزيكا-ماتەماتيكا باعىتىنداعى مەكتەپ وقۋشىسى ابىلاي كەڭەستىڭ اتاسى اناس اليموۆ نەمەرەلەرىنە وسىنداي وسيەت قالدىردى. جەڭىس مارافونى كەزىندە وتباسى مۇراعاتىنداعى اسەرلى، جان تەبەرىنتەر جۇزدەگەن بىرەگەي وقيعا باياندالدى.

سوعىس جىلدارىندا ورال قالاسىنىڭ ءۇش اەرودرومىنان ايگىلى ۇشقىشتار حيۋاز دوسپانوۆا مەن لەونيد بەدا اۋەگە كوتەرىلگەن، ءبىرىنىڭ ورنىندا قازىر نازارباەۆ زياتكەرلىك مەكتەبى ورنالاسقان. دەنساۋلىعىنا بايلانىستى مايدان قاتارىنا الىنباعان ادىلبەك  دەمەسىنوۆ بار مۇلكىنە اسكەري ۇشاق ساتىپ الىپ، تىلدا ناعىز ەرلىگىمەن تانىلعان. يۆان سۋسانين اتىنداعى كوسترومالىق مۇراجايدا 53-ءشى سۋسانين رەتىندە بايشىعان بەكتۇرليەۆ اتى تۇر، ونىڭ ەرلىگىنىڭ ارقاسىندا قازاقستاننىڭ باتىسىندا گۋرەۆ مۇناي وڭدەۋ زاۋىتىنا بارا جاتقان جاۋ دەسانتى جويىلعان، اتى اڭىزعا اينالعان اقساقال – ورالدىق زياتكەرلىك مەكتەپ وقۋشىلارى ءالي مەن مەرەي ەسەنگەلديندەردىڭ اتاسى. 9 مامىر كۇنى پاۆلودارلىق زياتكەر ارۋجان حالىقوۆانىڭ اپاسى، تىل ارداگەرى كۇلجاۋپار قوجانوۆاعا رەسەي فەدەراتسياسىنىڭ پرەزيدەنتى ۆلاديمير پۋتين اتىنان « ۇلى وتان سوعىسىنداعى جەڭىسكە 75 جىل» مەرەيتويلىق مەدالى تابىستالدى. قاراعاندى قالاسىنداعى نازارباەۆ زياتكەرلىك مەكتەبىنىڭ «مەيىرىمدىلىك كوپىرى» ۆولونتەرلىك كلۋبى جۇرگىزگەن الەۋمەتتىك-زەرتتەۋ قورىتىندىسى بويىنشا «سلەد ۆوينى ۆ يستوري موەي سۋدبى» اتتى جيناق شىقتى. ورالداعى نازارباەۆ زياتكەرلىك مەكتەبىندە وتكەن «كەستەلi ورامال» اكتسياسى كەزىندە وقۋشىلار مەن مۇعالىمدەر سوعىس پەن تىلدا تەر توككەن ارداگەر تۋىستارىنىڭ اتىن كەستەلەپ جازدى. جەڭىسكە 75 جىل تولعاندا اقتاۋ قالاسىنداعى نازارباەۆ زياتكەرلىك مەكتەبىنىڭ مۇعالىمى سۆەتلانا وزگان ارىپتەستەرىنىڭ كومەگىمەن اتاسى وزگان كوسانوۆتىڭ جەرلەنگەن جەرىن تاپتى، وتباسى بۇل ىزدەۋدى 1943 جىلى باستاعان ەكەن.

جۇزدەگەن اڭگىمەلەر مەن فيلمدەر، مايدان حاتتارى مەن سۋرەتتەر – بارلىعى دا ۇلى سوعىستىڭ جانە ونىڭ مايدانى مەن تىلىندا ەرلىك كورسەتكەن ەڭ جاقىن ادامداردىڭ شىنايى ءارى ەگجەي-تەگجەيلى كەلبەتى، ال ونداعى كەيىپكەرلەردىڭ اتى مارافونعا قاتىسۋشىلاردىڭ ماقتان تۇتار تەگىنە اينالعان. ەستەلىكتەر لەنتاسىندا وقۋشىلار جەڭىس كۇنىن نەلىكتەن كوزدى جاسقا تولتىرا تويلايتىن مەرەكە ەكەنىن تۇسىنگەندەرىن، مايدان حاتتارى مەن سۋرەتتەر، جەرلەۋ تۋرالى حابارلامالار، وردەن كىتاپشالارى، اسكەري ماراپاتتار، ارداگەرلەردىڭ قول ساعاتتارى – ءاربىر قازاقستاندىق وتباسى ءۇشىن قۇندى جادىگەرلەر ەكەنىنە كوز جەتكىزگەندەرىن مويىندادى. 

«وتان ءۇشىن وت كەشكەن باتىردىڭ ءبىز ۇرپاعىمىز!» مارافونى نازارباەۆ زياتكەرلىك مەكتەپتەرىنىڭ بارلىق وقۋشىلارى ءۇشىن ەرلىك پەن  پاتريوتيزمنەن سىر شەرتكەن شىنايى ساباققا اينالدى. قازىرگى تاڭدا NIS جەلىسىندە ەلەكتروندى «ەستەلىكتەر مۇراعاتىن» جاساۋ قولعا الىنعان. ايتۋلى مارافوندى ءداستۇرلى تۇردە جىل سايىن مامىردىڭ ءبىرىنشى ونكۇندىگىندە وتكىزۋ جوسپارلانىپ وتىر.

سوڭعى جاڭالىقتار

ۇقساس جاڭالىقتار