ورتالىق سالاداعى جەتەكشى كاسىپورىنداردىڭ ءبىرى ءارى ەلىمىزدىڭ بارلىق وڭىرلەرىنە قىزمەت كورسەتەدى. كاسىپورىن جىلىنا 30 000-نان استام بۇيىم شىعارسا, ونىڭ ىشىندە 60-تان استام اياق-قول پروتەزدەرىنىڭ موديفيكاتسيالارى, بارلىق ماۋسىمعا ارنالعان 112 ورتوپەديالىق اياق كيىمنىڭ موديفيكاتسيالارى جانە تاعى باسقا ونىمدەر بار. جالپى رپوو پروتەزدەۋ بۇيىمدارىنىڭ جالپى كولەمىنىڭ 74%-عا جۋىعىن جانە قازاقستاندا وندىرىلەتىن مامانداندىرىلعان ورتوپەديالىق اياق كيىمنىڭ, ورتوپەديالىق ۇلتاراقتىڭ 91%-ىن شىعارادى. بۇگىندە 230 ادام جۇمىس ىستەيتىن كاسىپورىندا جوعارى بىلىكتى ورتوپەد-دارىگەرلەر, مەحانيك-پروتەزشىلەر, ينجەنەر-تەحنولوگتار, پروتەزدىك-ورتوپەديالىق سالادا ۇلكەن تاجىريبەسى بار جۇمىسشىلار جانە باسقا دا ماماندار. ورتالىق قىزمەتكەرلەرىنىڭ اراسىندا مۇمكىندىگى شەكتەۋلى ادامدار, ال ولاردىڭ ىشىندە كەزىندە ورتالىقتىڭ پاتسيەنتتەرى بولعان جاندار دا تابىستى ەڭبەك ەتىپ كەلەدى.
«رەسپۋبليكالىق پروتەزدىك-ورتوپەديالىق ورتالىق» كارانتيننەن كەيىن ءوزىنىڭ وندىرىستىك تسەحتارى مەن وڭالتۋ ورتالىقتارىنىڭ جۇمىسىن قايتا باستادى. ەلىمىزدە وسى بەيىندەگى ءىرى كاسىپورىن شىعاراتىن جەكە وتەمدىك بۇيىمدار مەن ورتوپەديالىق اياق كيىم ەلدىڭ بارلىق ايماقتارىنداعى پاتسيەنتتەر ءۇشىن ومىرلىك قاجەتتىلىك بولىپ تابىلادى.
ء«بىزدىڭ كاسىپورىننىڭ وندىرىستىك تسەحتارىنىڭ قىزمەتى توتەنشە جاعداي كەزىندە توقتاتىلدى, بىراق ءبىز پاتسيەنتتەرىمىزبەن جۇمىستى توقتاتپادىق. پاتسيەنتتەرىمىزگە قولداۋ كورسەتۋ, پروتەزدەۋ جانە ورتوپەديالىق اياق كيىم جاساۋ تۋرالى كوپتەگەن سۇراقتارعا جاۋاپ بەرۋ ماقساتىندا تەلەفوندىق «شۇعىل جەلى» ۇيىمداستىرىلدى. تەلەفون ارقىلى ءبىزدىڭ ورتالىقتىڭ ەكى ەڭ ەڭبەگى سىڭگەن جانە كاسىبي دارىگەرلەرى – 40 جىلدىق ەڭبەك ءوتىلى بار پروتەزشى ەۆگەنيا پوپكوۆا مەن ورتوپەد قالقا جۇمانوۆا كەڭەس بەردى. سونداي-اق, قىزمەتكەرلەردىڭ جوعارى بىلىكتىلىگى مەن وندىرىسكە جاڭا تەحنولوگيالاردى ەنگىزۋ ءبىزدىڭ ورتالىققا ءتيىمدى جۇمىس ىستەۋگە مۇمكىندىك بەرەدى. قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2015 جىلعى 22 قاڭتارداعى № 26 بۇيرىعىنا سايكەس, ءبىز پروتەزدىك-ورتوپەديالىق بۇيىمداردى وندىرۋگە تاپسىرىس تۇسكەن ساتتەن باستاپ 45 جۇمىس كۇنى ىشىندە دايىنداۋىمىز كەرەك, ال قازىر ءبىزدىڭ ماماندار مۇنى ورتاشا ەسەپپەن 17 كۇندە جاسايدى. ءوندىرىس كولەمى مەن مەرزىمدەرى بويىنشا ءبىزدىڭ كاسىپورىندا ەشقانداي ارتتا قالۋشىلىق بولمايتىنىنا سەنىمدىمىز. كوروناۆيرۋسقا قاراماستان, ورتالىق پاتسيەنتترىنىڭ ەشقايسىسى وزدەرىنىڭ وتەمدىك بۇيىمدارى مەن ورتوپەديالىق اياق كيىمدەرىنسىز, سونداي-اق كاسىبي كەڭەسسىز قالمايدى», - دەپ اتاپ ءوتتى «رەسپۋبليكالىق پروتەزدىك-ورتوپەديالىق ورتالىق» اق پرەزيدەنتى نيكولاي پەتروۆ.
ءبىر اي ىشىندە رپوو 800 جۇپ ورتوپەديالىق اياق كيىم ءوندىرىپ, ەلىمىزدىڭ الەۋمەتتىك ورتالىقتارىنان بۇرىن الىنعان تاپسىرىستارعا سايكەس, 14 جەكە پروتەزدى جاساۋدى جوسپارلاپ وتىر. سونداي-اق, رپوو وسى جىلى 15 500-گە جۋىق پاتسيەنتكە قىزمەت كورسەتەدى دەپ كۇتىلۋدە.
