ايماقتار • 18 مامىر، 2020

اقمولالىق جومارت جاندار جاقسىلىعى

14 رەت كورسەتىلدى

ەلدىڭ بىرلىگى قىسىلتاياڭ كەزدە ارتا تۇسكەندەي. حالىققا جاناشىر كاسىپكەرلەر  زەرەندى اۋدانىنىڭ تۇرعىندارىنا قولداۋ ءبىلدىردى. دەمەۋشىلەر توتەنشە جاعداي باستالعاننان بەرى اۋداننىڭ 1200 وتباسىنا قايىرىمدىلىق جاساعان.

توتەنشە جاعداي باستالعاننان-اق زەردەلى ولكەنىڭ تۇرعىندارىنا كولىك-كولىك قوراپتار، دوربا-دوربا ازىقتار اعىلا باستاعان. قولى اشىق جومارت جاندار قيىن كۇندە ەلدىڭ ىرگەسىنەن تابىلا ءبىلدى. بوريس كوزلوۆ ەسىمدى مەتسەنات قاشىقتان ءبىلىم الىپ جاتقان 7 وقۋشىعا پلانشەت سىيلاپ، 65 زەينەتكەرگە ازىق-ت ۇلىك جەتكىزگەن. كۇنى كەشە Kusto group قاراماعىنداعى Kazbeef كومپانياسى #KustoHelp الەۋمەتتىك جوبا اياسىندا 500 ازىق-ت ۇلىك جيىنتىعىن تاراتتى. بۇل كومەك مالىك عابدۋللين اتىنداعى اۋىلىنىڭ مۇقتاج وتباسىلارىنا باعىتتالعان. جەڭىستىڭ 75 جىلدىق مەرەيتويىنا وراي ەڭبەك ارداگەرلەرى مەن مايدانگەر جەسىرلەرىنە، چەرنوبىل، اۋعان ارداگەرلەرى، جالپى سانى 381 ادامعا ازىق-ت ۇلىك جەتكىزىلدى. بۇدان باسقا تاعى 400 وتباسىنا كاسىپكەرلەر مەن ۆولونتەرلەر دەمەۋ كورسەتكەن. وسىلايشا، قايىرىمدى جاندار جەرگىلىكتى جۇرتتىڭ ەڭسەسىن ءبىر كوتەرىپ تاستادى.

– بۇگىنگى كۇنى ءبىز بىرگەمىز اكتسياسى اياسىندا زەرەندى اۋدانىنىڭ 1200 تۇرعىنىنا 20 ميلليون تەڭگە كولەمىندە كومەك كورسەتىلدى. العاشقى كەزەڭدە  «التىنتاۋ-كوكشەتاۋ» سەرىكتەستىگى 150 تۇرعىنعا ازىق-ت ۇلىك پەن اقشالاي كومەك جىبەردى. قولداۋ، ەڭ الدىمەن، كوپبالالى، الەۋمەتتىك جاعدايى تومەن وتباسىلار، جالعىزباستى ارداگەرلەرگە جولداندى. ەكىنشى كەزەڭدە سارىوزەك اۋىلدىق وكرۋگىنىڭ تۋماسى اباي اليەۆ باراتاي، اقان، ۋگولكي اۋىلدارىنىڭ 72 وتباسىن ازىق-ت ۇلىكپەن قامتاماسىز ەتكەن،–دەيدى زەرەندى اۋدانى اكىمىنىڭ ورىنباسارى رايحان عابدۋللينا.

سوڭعى جاڭالىقتار

اراق اۋرۋدان ايىقتىرمايدى

كوروناۆيرۋس • كەشە

ۇقساس جاڭالىقتار