ءبىر عانا برونەجيلەتتىڭ جاسالۋ پروتسەسىندە 30-دان استام وپەراتسيا بار. اسكەري قورعانىش كيىمىنىڭ ەڭ الدىمەن قاعاز بەتىنە سىزباسى جاسالىپ, كەيىن تاپسىرىسقا ساي ورىندالادى. ولار كوبىنە وق پەن سۋدان قورعايدى. ەڭ باستى قورعانىش قۇرالى ول برونو پليتالار. ولار ارنايى قۇرىلعىدا جاسالادى. كەيىن ءار بولىگى جەكە جەكە دايىندالىپ بىرىكتىرىلەدى. جالپى ءبىر تاۋلىكتە 200-دەن استام برونەجيلەت ازىرلەنەدى دەيدى ماماندار.
– برونەجيلەتتىڭ ءارتۇرلى تۇرلەرى بار. جوعارى كلاستى اسكەري قورعانىش كيىمدەرىنىڭ باعاسى دا قىمبات. ءار برونەجيلەتكە جەكە تاپسىرىس بويىنشا ماتەريال ازىرلەيمىز. الدىمەن ۇلگىسىن جاساپ, تاپسىرىس بەرۋشىمەن كەلىسەمىز. قولدانىلاتىن ماتەريالداردىڭ ءبىرى كوردۋرا. ول سۋ مەن وتتى وتكىزبەيدى,– ينجەنەر سايان بوتاشوۆ.
قازاقستاننىڭ ارنايى كۇش قۇرىلىمىن كيىممەن قامتىپ وتىرعان بىردەن-ءبىر زاۋىت ساپانى ءبىرىنشى كەزەككە قويادى. ءار كەۋدەشەنىڭ سالماعى 12 كەلىدەن اسادى. قولدانىلاتىن ماتەريالدىڭ ساپاسى جوعارى.
بۇگىنگى تاڭدا «تىنىس» زاۋىتىندا شىعارىلاتىن پوليەتيلەن قۇبىرلارى, اۆياتسيا, تەمىر جول, مۇناي سالالارىنا قاجەتتى قوسالقى بولشەكتەر مەن كۇشتىك قۇرىلىمدارعا ارنالعان برونەجيلەتتەر تاپسىرىس بەرۋشىلەر تاراپىنان جاقسى باعا الىپ, سۇرانىسقا يە بولىپ وتىر. ىشكى نارىقتان بولەك شەتەلگە دە ەكسپورتتالادى.
