قازىرگى كەزدە اقش-تا تۇراتىن وتباسىلارىنىڭ قازاقستاننان اسىراپ العان بالالار سانى 6600-گە جەتىپتى. مۇنى ەلىمىزگە امەريكا ازاماتتارىنىڭ قازاقستاندىق بالالاردى اسىراپ الۋلارى ماسەلەسىن تالقىلاۋ ءۇشىن ارنايى كەلگەن اقش مەملەكەتتىك دەپارتامەنتىنىڭ بالالار ماسەلەلەرى جونىندەگى ارنايى كەڭەسشىسى سيۋزەن دجەيكوبس ءمالىم ەتتى.
قازىرگى كەزدە اقش-تا تۇراتىن وتباسىلارىنىڭ قازاقستاننان اسىراپ العان بالالار سانى 6600-گە جەتىپتى. مۇنى ەلىمىزگە امەريكا ازاماتتارىنىڭ قازاقستاندىق بالالاردى اسىراپ الۋلارى ماسەلەسىن تالقىلاۋ ءۇشىن ارنايى كەلگەن اقش مەملەكەتتىك دەپارتامەنتىنىڭ بالالار ماسەلەلەرى جونىندەگى ارنايى كەڭەسشىسى سيۋزەن دجەيكوبس ءمالىم ەتتى.
ديپلومات ءبىلىم جانە عىلىم مينيسترلىگى بالالار قۇقىعىن قورعاۋ كوميتەتى, سىرتقى ىستەر مينيسترلىگى جانە ادام قۇقىقتارى جونىندەگى بيۋرونىڭ وكىلدەرىمەن كەزدەستى.
سيۋزەن دجەيكوبس سۇحباتىندا قازاقستان مەن اقش بالا اسىراپ الۋ جونىندە ورتاق جۇمىس توبىن قۇراتىندىعىن مالىمدەدى. ءبىرىنشى كەزدەسۋ بيىل قاراشادا ۆاشينگتوندا وتەدى. اقش-تا قاراشا ايى ۇلتتىق بالا اسىراپ الۋ ايى بولىپ بەلگىلەنگەن.
سيۋزەن دجەيكوبس كەزدەسۋدەن كەيىن قازاقستاندىق بالالاردى اقش ازاماتتارىنىڭ اسىراپ الۋى قايتا جاندانادى دەگەن ۇمىتتە ەكەنىن جاسىرمادى. اقش ازاماتتارى وتكەن جىلى شەتەلدەن 9 مىڭداي جەتىم بالا العان ەكەن. ال قازاقستاننان اسىراپ العان بالانىڭ جالپى سانى قازىر 6600-گە جەتكەن.
«بالا اسىراپ العان وتباسىلاردا وكىنىشتى جاعدايلاردىڭ الدىن الۋ ءۇشىن اقش-تا ءوزىمىزدىڭ جۇمىس توبىن قۇردىق. بالالاردىڭ قۇقىعىن قورعاۋ جونىندەگى ۇكىمەتتىك قىزمەتتەر مەن اگەنتتىكتەرىمەن بىرگە جۇمىس جاسايمىز. كەلەسى اپتادا العاشقى كەزدەسۋىمىز وتەدى. وندا بالالاردى قورعايتىن جاڭا زاڭ نەمەسە زاڭعا تولىقتىرۋلار ەنگىزۋ ماسەلەسىن تالقىلايمىز. كەيبىر اتا-انالارعا ءبىزدىڭ كومەك قاجەت», – دەدى سيۋزەن دجەيكوبس.
مىنە, كەرەك بولسا! سوندا ءبىزدىڭ ەلىمىزدەگى انالار بالالارىن باسقا جات ەلدىڭ ازاماتتارى بولۋلارى ءۇشىن تۋىپ ءجۇر مە؟ وسىنشالىقتى كەڭ جەرى بار قازاقستاندا تۇرعىنداردىڭ ازدىعى ءاردايىم بىلىنەدى. بۇل ماسەلەنىڭ قازىر بۇكىل الەمدە وتكىر تۇرعانى انىق. مۇنىڭ ۇستىنە اقش-تا قازىر سىرت ەلدەردەن اكەلىنگەن بالالاردى الماستىرۋ ماقساتىندا جۇمىس جاسايتىن بيۋرولاردىڭ دا بار ەكەنى بەلگىلى بولىپ قالدى. ولاردا ساۋداعا ءتۇسىپ جۇرگەندەر اراسىندا بۇرىنعى قازاقستاندىق بۇلدىرشىندەر دە از ەمەس كورىنەدى.
وسىنىڭ ءبارى شەتەلگە اسىراۋعا بالا بەرمەۋ جاعىن قايتا ويلاستىراتىن كەز جەتكەنىن بىلدىرەدى.
مۇرات ايتقوجا.
