مونيتورينگتىك توپتىڭ قۇرامىندا اگەنتتىكتىڭ تۇركىستان وبلىسى بويىنشا دەپارتامەنتى باسشىسىنىڭ ءبىرىنشى ورىنباسارى ميراس قارعاباي مەن وبلىستىق مەملەكەتتىك كىرىستەر دەپارتامەنتىنىڭ وكىلدەرى مەن اتالعان كەدەن بەكەتتەرىنىڭ باسشىلارى, "تۇركىستان - ادالدىق الاڭى" جوبالىق كەڭسەسىنىڭ مەنەدجەرلەرى, سونداي-اق باق وكىلدەرى بولدى. «قازىعۇرت» كەدەن بەكەتىندە باقىلاۋ-وتكىزۋ پۋنكتىندە مونيتورينگتىك توپ الەمدى الاڭداتقان ىندەتتىڭ شەكارا ارقىلى ەنۋىنە جول بەرمەۋ ماقساتىندا قولعا الىنىپ جاتقان قاتاڭ شارالارمەن تانىستى. كەدەن بەكەتىنىڭ باسشىسى بەرىك مەرگەنباەۆتىڭ بايانداۋىنشا, شەكارالىق وتكىزۋ پۋنكتتەرىندە دەزينفەكتسيالىق جۇمىستار 2 ساعات سايىن جۇرگىزىلەدى جانە وسى ۋاقىتتا وتكىزۋ پۋنكتتەرى جابىلىپ, ايماق تۇرعىندارى مەن قوناقتارىنىڭ قاۋىپسىزدىگى ءۇشىن جۇيەلى جۇمىستار اتقارىلادى.
ال «جىبەك جولى» كەدەن بەكەتىندە بەكەت باسشىسى ءۇسىپباي نۇرالى كورشى ەلدەن كەلۋشىلەر ءۇشىن قولايلى جاعدايلار جاسالعانىن, جەڭىل جانە اۋىر جۇك كولىكتەرى مەن اۆتوبۋس قاتىناستارىنىڭ دا شەشىمى تابىلعانىن جەتكىزدى. سونداي-اق, كوروناۆيرۋس ىندەتىمەن كۇرەسۋ ءۇشىن كەدەن بەكەتىنىڭ وتكىزۋ پۋنكتتەرىندە تەپلوۆيزورلىق بەينەكامەرالار مەن قول ولشەۋىشتەرى بار ينفراقىزىل كامەرالار ورناتىلعان.
رەسپۋبليكالىق كەڭسە جەتەكشىسى كەدەن بەكەتتەرىندە ءجۇرىپ جاتقان بۇگىنگى جۇمىستاردى وڭ باعالاپ, جولاۋشىلارعا قولايلى ورتا قالىپتاستىرۋ جۇمىستارىن جالعاستىرۋعا تىلەكتەستىك ءبىلدىردى.
تۇركىستان وبلىسى
