سونداي-اق كولشىكتەردەگى بالىقتاردىڭ جارامدىلىعىن تەكسەرۋ ءۇشىن شىمكەنت قالاسىنداعى ساراپتاما ورتالىعىنا 3 دانا سازان مەن 1 دانا ءدوڭماڭداي ءتۇرى ءجونىلتىلىپتى. تۇركىستان وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسىنىڭ بالىق شارۋاشىلىعى ءبولىمىنىڭ باسشىسى شاكەن بورانبايدىڭ مالىمدەۋىنشە, ماماندار ۋلانۋ فاكتىلەرىنىڭ الدىن الۋ بويىنشا سۋ باسقان اۋىلداردا تاۋلىك بويى جۇمىس ىستەۋدە. «ساراپتاما قورىتىندىسى الداعى اپتادا دايىن بولادى. سوعان دەيىن تۇرعىنداردىڭ سارقىندى سۋدان بالىق اۋلاۋىنا تىيىم سالىنادى», دەيدى شاكەن بورانباي.
توپان سۋ كەزىندە ءۇي جانۋالارىنىڭ ولەكسەسى كوبەيۋىنە بايلانىستى وسى اۋماقتاردا شيبورىلەردىڭ سانى كوبەيگەن. وسىعان وراي تەگىس ۇڭعىلى 12 كاليبرلى اڭشى قارۋى ازىرلەنىپ, 300 دانا وق-ءدارى ساتىپ الىنعان. قازىرگى ۋاقىتتا اۋىلدارداعى ءشيبورىنىڭ سانىن انىقتاۋ جۇمىستارى جۇرگىزىلۋدە.
تۇركىستان وبلىسى
