ونىڭ ىشىندە 25 ەرىكتى ورتالىق قويماداعى جۇمىستارعا جۇمىلدىرىلسا, 15-كە جۋىعى شتاب قويماسىندا, 20-دان استام ەرىكتى ۇلەستىرۋ-تاسىمالداۋ جۇمىستارىنا تارتىلعان. سونىمەن قاتار بارلىق ەۆاكۋاتسيالىق ورتالىقتاردا, ءتۇرلى باعىتتار بويىنشا ەرىكتىلەر قىزمەت كورسەتەدى. تۇركىستان وبلىسى اكىمدىگى جانە «نۇر وتان» پارتياسىنىڭ قولداۋىمەن, قۇرىلعان ەرىكتىلەر شتابىنا جاستار رەسۋرستىق ورتالىعى ديرەكتورى امالبەك ءومىرتاي جەتەكشىلىك ەتەدى.
قازىرگى تاڭدا ەلىمىزدىڭ بارلىق ايماعىنان گۋمانيتارلىق كومەك كەرۋەندەرى ماقتاارال اۋدانىنا تولاسسىز كەلىپ جاتىر. جالپى, اۋدانع كەلگەن گۋمانيتارلىق كومەكتىڭ كولەمى 600 مىڭ توننادان استام. قويمالاردا جيناقتالعان ازىق-ت ۇلىك, تۇرمىستىق زاتتار, گۋمانيتارلىق ماتەريالدىق كومەكتەردى ءتۇسىرۋ-تيەۋ, سونداي-اق ەۆاكۋاتسيالىق پۋنكتەرگە شوعىرلانعان تۇرعىندارعا بارىنشا ىڭعايلى جاعداي جاساۋ – ۆولونتەرلاردىڭ باستى مىندەتىنە جاتادى.
ون كۇن ىشىندە «بىرگەمىز, ماقتاارال!» ۆولونتەرلار شتابى 1100-دەن استام تۇرعىنعا, 150 وتباسىعا 50 تونناعا جۋىق ازىق-ت ۇلىك, قاجەتتى كيىم-كەشەك, قۇرال-سايمان, تۇرمىستىق, جەكە گيگيەنالىق زاتتارمەن جان-جاقتى الەۋمەتتىك كومەك كورسەتتى.
