يتاليانىڭ سولتۇستىگىندە ورنالاسقان پاۆيا قالاسىنداعى تۇرمە تونالدى. بۇل تۋرالى ربك «ۋكراينا» حابارلادى.
قاسكويلەر ءتۇن ورتاسىندا تۇرمە اۋماعىنا جاسىرىنىپ كىرگەن. جەر استىمەن قازىلعان جول ارقىلى ولار بەينە باقىلاۋ مەن بارلىق قاۋىپسىزدىك جۇيەلەرىن اينالىپ وتكەن. وسىلايشا تۇرمە باسشىسىنىڭ كەڭسەسىنە كىرىپ, سەيفتى ۇرلاپتى.
الدىن الا دەرەكتەرگە سۇيەنسەك, سەيفتىڭ ىشىندە شامامەن 5 مىڭ ەۋرو بولعان ەكەن. پوليتسيا بۇل وقيعاعا بايلانىستى قىلمىستىق ءىس قوزعادى.
تەرگەۋشىلەر قىلمىسكەرلەردىڭ تۇرمەنى جاقسى بىلگەندىگىن, سول سەبەپتى بۇل ىستە مەكەمەنىڭ بۇرىنعى تۇتقىندارى باستى كۇدىكتى رەتىندە قارالاتىنىن مالىمدەدى.
ايدار ورىسباەۆ.
