2020 جىلعى ساۋالناماعا سايكەس, مۇنايعا سۇرانىس (تاۋلىگىنە -2,23 ملن بيت تۇزەتىلگەن) تاۋلىگىنە 9,07 ملن باررەلگە ازايادى.
وپەك-ءتىڭ حابارلاۋىنشا, قۇلدىراۋدىڭ جوعارعى شەگى 2020 جىلدىڭ 2-توقسانىندا بولادى. مۇنايعا دەگەن سۇرانىستىڭ تومەندەۋدىڭ نەگىزگى درايۆەرى ەىدۇ-نىڭ امەريكا جانە ەۋروپاداعى مۇشە ەلدەرىندە بايقالادى.
2020 جىلعى سۇرانىس تاۋلىگىنە 90. 59 ميلليون باررەلگە جەتۋى مۇمكىن. اعىمداعى جىلى مۇناي ءوندىرىسى نورۆەگيا, برازيليا, گايانا جانە اۆستراليادا وسەدى دەگەن ءۇمىت بار.
وپەك ساراپشىلارىنىڭ جاناما ساراپتامالىق ادىستەرى ءساۋىر ايىندا ءوندىرىس كولەمى تاۋلىگىنە 30.41 ملن باررەلگە جەتەدى دەپ ەسەپتەيدى. ءوندىرىستىڭ جالپى كولەمى ەسەپتە ايتىلماعان, بىراق وپەك-تەن تىس ەلدەر تاۋلىگىنە 61,5 ملن باررەل وندىرەتىنىن ايتادى. سونداي-اق, ساراپشىلاردىڭ ايتۋىنشا, بيىل قازاقستان تاۋلىگىنە 1.65 ميلليون باررەل وندىرەدى.
«Brent ماركالى مۇنايدىڭ باعاسى 30 دوللاردان تومەن بولعاندىعىن ەسكەرە وتىرىپ, ءبىز تەڭگەنىڭ نىعايۋىنا ماڭىزدى فاكتورلار جوق دەپ سانايمىز» دەيدى قازاقستاندىق ساراپشىلار.
بارلىق ەلدەر ەكونوميكانى قولداۋعا باعىتتالعان داعدارىس پاكەتتەرىن جاڭارتىپ جاتىر. مۇنىڭ ۇلتتىق ۆاليۋتاعا مۋلتيپليكاتيۆتى اسەرىن ىشكى نارىق سەزە باستادى. سول سەبەپتى قازاق تەڭگەسىنىڭ باعاسىندا اسا كوپ وزگەرىس بولمايدى. تەڭگەنىڭ قازىرگى دەڭگەيدەن ارزانداۋىنا ۇلتتىق بانك تە, ۇكىمەت تە مۇددەلى ەمەس. ساۋىردە توتەنشە جاعداي مەن كارانتيننىڭ بولۋىنا تەڭگەگە قاتىستى تاۋلىكتىك قۇبىلمالىلىق 0,55% قۇرادى, بۇل ناۋرىزداعى كورسەتكىشتەن 1,62% تومەن.
«ەكسپورتتىڭ مۇناي باعاسىنا قاتتى تاۋەلدىلىگىنە بايلانىستى (ەكسپورتتىڭ 58,2%-ى مۇناي جانە گاز كوندەنساتىن قۇرايدى), ءبىز ەلدىڭ تاۋەكەلى بويىنشا سىيلىقاقى ءوسۋى مۇمكىن دەپ بولجايمىز. ءبىزدىڭ باعالاۋىمىزشا, قازاقستان ءۇشىن سىرتقى تاۋەكەلدەر جوعارى دەڭگەيدە قالىپ وتىر جانە جاقىن بولاشاقتا ەكزوگەندىك كۇيزەلىستەرگە ۇشىراۋ وزگەرمەيدى» دەيدى تاۋەلسىز ساراپشى اندرەي چەبوتارەۆ.
