بۇعان دەيىن اقش پرەزيدەنتى دونالد ترام پاۋەللدەن تاعى ءبىر رەت قارجىلىق رەتتەۋشىنى تەرىس مولشەرلەمەنى ەنگىزۋگە شاقىرعان مالىمدەمەسىنە تۇسىنىكتەمە بەرۋدى سۇراعان بولاتىن. «مەن بۇل ساياساتتى جانكۇيەرلەردىڭ بارىن بىلەمىن, بىراق قازىر ءبىز ونى زەرتتەپ جاتقان جوقپىز. ءبىز مۇنى قاراستىرمايمىز. تەرىس مولشەرلەمەلەردىڭ تيىمدىلىگى تۋرالى دەرەكتەر وتە ارالاس», دەدى فرج باسشىسى.
پاۋەللدىڭ تۇسىندىرۋىنشە, كوروناۆيرۋستىق پاندەميادان اقش–تىڭ ەكونوميكاسى زارداپ شەكتى. «بۇل قۇلدىراۋدىڭ اۋقىمى مەن قارقىنى قازىرگى تاريحتا بولماعان: ەكىنشى دۇنيەجۇزىلىك سوعىستان كەيىنگى جىلدارى دا اقش مۇنداي سوققى الىپ كورمەپتى. ءبىز ەكونوميكالىق بەلسەندىلىك پەن جۇمىسپەن قامتۋدىڭ كۇرت تومەندەۋىنە كۋا بولىپ وتىرمىز, جانە سوڭعى ونجىلدىقتا جاڭا جۇمىس ورىندارىن قۇرۋدا قول جەتكىزىلگەن جەڭىستەرىمىز جوققا شىعارىلدى», دەدى فرج وكىلى.
ونىڭ ايتۋىنشا, اقش ەكونوميكاسىنىڭ دامۋ بولاشاعى وتە بەلگىسىز, ودان ءارى قۇلدىراۋ قاۋپى بار.
«ەكونوميكالىق شارالار ايتارلىقتاي ماڭىزدى جانە ۋاقتىلى بولعانىنا قاراماستان, اقش ەكونوميكاسىنىڭ بولاشاعى تۇماندى كۇيىندە قالىپ تۇر: ونىڭ قاشان سەيىلەتىنىن قازىر ەشكىم ءدوپ باسىپ ايتا المايدى», دەدى پاۋەلل.
سونداي-اق فرج وكىلى قازىرگى قۇلدىراۋ ءبىرشاما ەرەكشەلەنەتىنىن, ونى ەڭسەرۋ ءۇشىن كۇنى بۇگىنگە دەيىن قابىلدانعان شارالار ناتيجە بەرمەيتىنىن, ونى كۇن سايىن جەتىلدىرىپ وتىرۋ قاجەتتىگىن ايتىپ ءوتتى.
«ەكونوميكانىڭ وسۋىنە بايلانىستى قالپىنا كەلتىرۋ ءبىراز ۋاقىتتى الۋى مۇمكىن, بىراق ۋاقىت وتە كەلە وتىمدىلىك پروبلەمالارى تولەم قابىلەتتىلىگىنىڭ پروبلەمالارىنا اينالۋى مۇمكىن, قوسىمشا قارجىلىق قولداۋ وتە قىمباتقا ءتۇسۋى مۇمكىن, بىراق بۇل بولاشاقتا ەكونوميكالىق زالالدى بولدىرماۋعا كومەكتەسەدى» دەپ ءسوزىن تۇيىندەدى پاۋەلل.
كوروناۆيرۋستىق ينفەكتسيانىڭ تۋىنداۋى ورتالىق قىتايدا 2019 جىلدىڭ سوڭىندا تىركەلدى جانە كوپتەگەن ەلدەرگە تارالدى.
11 ناۋرىزدا دۇنيەجۇزىلىك دەنساۋلىق ساقتاۋ ۇيىمى ونى پاندەميا دەپ تانىدى. بارلىق ەلدەر مەن اۋماقتار تەرەڭ حالىقارالىق ەكونوميكالىق داعدارىسقا الىپ كەلگەن سانيتارلىق-ەپيدەميولوگيالىق سيپاتتاعى ءارتۇرلى توتەنشە شارالار قابىلداۋعا ءماجبۇر بولدى.
حۆق بولجامىنا سايكەس, بيىل الەمدىك ەكونوميكادا 3% قۇلدىراۋ بولادى. فەدەرالدى جانە جەرگىلىكتى بيلىك ورگاندارىنىڭ اقپاراتتارى نەگىزىندە ەسەپتەۋلەر جۇرگىزەتىن دجون حوپكينس ۋنيۆەرسيتەتىنىڭ مالىمەتتەرى بويىنشا, اقش-تا 1,37 ميلليوننان استام كوروناۆيرۋستىق ينفەكتسيا تىركەلگەن, 82,3 مىڭنان استام ادام قايتىس بولعان.
