ايماقتار • 14 مامىر، 2020

ماڭعىستاۋ: ەرىكتىلەر تۇركىستانعا 5 تونناعا جۋىق گۋمانيتارلىق كومەك جينادى

18 رەت كورسەتىلدى

بۇل تۋرالى قوعامدىق كوممۋنيكاتسيا ورتالىعىندا وتكەن بريفينگتە مو جاستار رەسۋرستىق ورتالىعىنىڭ باسشىسى ابىلاي فازىلبەك مالىمدەدى.

تۇركىستان وبلىسىندا ورىن العان توتەنشە جاعدايدىڭ العاشقى كۇنىندە ماڭعىستاۋ وبلىسىنداعى بارلىق جاستار رەسۋرستىق ورتالىقتارى بازاسىندا گۋمانيتارلىق جۇك جيناۋ شتابى قۇرىلدى. ناتيجەسىندە وڭىردەگى ۆولونتەرلار كورپۋسىنىڭ كومەگىمەن 5 تونناعا جۋىق گۋمانيتارلىق كومەك جينالدى. ونىڭ 2 تونناسى وبلىستىق شتابتا، 3 توننا اۋداندىق شتابتا جينالدى.

سونىمەن بىرگە، ءوڭىرىمىزدىڭ ءىرى ساۋدا ورىندارىنىڭ الدىنان جۇك كولىك جۇرگىزۋشىلەرىنىڭ باستاماسىمەن، كاسىپكەرلەردىڭ كومەگىمەن جيناۋ پۋنكتەرى جۇمىس ىستەدى. ناتيجەسىندە ەل ازاماتتارى مەن قالا تۇرعىندارىنىڭ كومەگىمەن 77،5 توننا گۋمانيتارلىق جۇك جينالدى. اتالعان گۋمانيتارلىق جۇكتى سۇرىپتاۋ جۇمىسىنا وبلىستىق ۆولونتەرلار كورپۋسىنىڭ ۆولونتەرلارى جۇمىلدىرىلدى.

سونىمەن قاتار، ۆولونتەرلار كورپۋسىنىڭ باستاماسىمەن وبلىس تۇرعىندارىن يگى ىسكە جۇمىلدىرۋ ماقساتىندا الەۋمەتتىك جەلىدە اقپاراتتىق جۇمىس جۇرگىزىلدى. ينفوگرافيكالار جاساقتالىپ، ونلاين تولەم جاساۋ جولدارى ءتۇسىندىرىلدى.

-ء«بىر جاعادان باس، ءبىر جەڭنەن قول شىعارىپ»، وسىنداي توتەنشە ۋاقىت كەزىندە اۋىزبىرشىلىك تانىتىپ، قولداۋ بىلدىرگەن بارشا وبلىس تۇرعىندارىنا، جۇك كولىك جۇرگىزۋشىلەرىنە، كاسىپكەرلەرگە، جاستار مەن ۆولونتەرلارعا ءوز العىسىمىزدى بىلدىرەمىز، - دەيدى مو جاستار رەسۋرستىق ورتالىعىنىڭ باسشىسى ابىلاي فازىلبەك.

 

 

ماڭعىستاۋ وبلىسى

سوڭعى جاڭالىقتار

تۇركىستان جاسىل قالاعا اينالۋدا

وڭتۇستىك قازاقستان • كەشە

ۇقساس جاڭالىقتار