ايماقتار • 14 مامىر، 2020

بۋراباي تۋريستەردى توسادى

12 رەت كورسەتىلدى

جاز شىقسا-اق جەر جاھاننان قاپتاعان تۋريستەر بۋراباي باۋرايىنا ۇمتىلاتىن. ەندى ەلدەگى توتەنشە جاعدايعا بايلانىستى تۋريزم سالاسىنىڭ جۇمىسى ونلاين تۇردە جۇرگىزىلمەك. كارانتين اياقتالعان سوڭ جاعداي قالاي قالىپتاسپاق؟

تۋريزم سالاسىنىڭ وكىلدەرى كارانتين اياقتالعان سوڭ بۋراباي باۋرايى جىلداعى ءداستۇر بويىنشا كەلىم-كەتىمدى كىسىگە لىق تولادى دەپ ءۇمىتتى. سوڭعى جىلدارى قىزمەت كورسەتۋ اياسى كەمىپ، جەتىلە تۇسكەن بولاتىن.

ء–بىز ششۋچينسك-بۋراباي تۋريستىك مارشرۋتىن دامىتۋعا بايلانىستى ماسەلەلەر قارالعان ونلاين جيىنعا قاتىستىق. وعان «تۋربيزنەس»، ۇلتتىق كاسىپكەرلەر پالاتاسى، «قازاقتۋريزم»، وبلىستىق تۋريزم باسقارماسى قاتىستى. سونداي-اق كارانتين كەزىندە  ءبىز تۋريستىك نىساندارمەن ونلاين رەجيمدە بايلانىس ورناتتىق. كارانتين اياقتالعان سوڭ جازعى ماۋسىمدى باستاۋعا قاتىستى سۇراقتارعا جاۋاپ ىزدەدىك،–دەيدى بۋراباي اۋداندىق دەنە شىنىقتىرۋ، سپورت جانە تۋريزم ءبولىمىنىڭ جەتەكشىسى ازامات بايمۇقانوۆ.

جازعا جاسالعان جوسپار كوپ. اتاپ ايتقاندا، جىل سايىنعى يوگا مەن بارد اندەر فەستيۆالدارى، «Burabike Fest» سپورتتىق شاراسى، «قانسونار» حالىقارالىق ءتۋرنيرى وتكىزىلۋ كەرەك ەدى. جاڭا نىسانداردىڭ قۇرىلىسى دا قولعا  الىنعالى وتىر.

–بيىل «بۋراباي دامۋ» جاۋاپكەرشىلىگى شەكتەۋلى سەرىكتەستىگى «ۆيزيت ورتالىعىنىڭ» اۋماعىندا ۇلكەن جوبانىڭ قۇرىلىسى باستالماق. ول نىسان - بيىكتىگى 42 مەتر شولۋ شەڭبەرى بولماق. اينالاسىندا اتتراكتسيون سالىنادى. بۇل جوبا تۋريستەردى تارتۋعا سەپتىگىن تيگىزەدى،–دەيدى ازامات بايمۇكانوۆ.

تۋريستەرگە ارنالعان تاعى ءبىر جاقسى حابار بار. ابىلاي حان الاڭىندا زاماناۋي  3د  مۇراجايى، جاڭا كادەسىيلار دۇكەنى جانە ءدامحانا اشىلماق. بۋراباي كەنتىندە ءىرى ساۋدا ورتالىعى سالىنادى. بۇل اۋقىمدى جوسپاردىڭ بارلىعى كوروناۆيرۋس ىندەتى  توقتاپ، جاعداي  تۇراقتانعان سوڭ جۇزە اسادى.

 

اقمولا وبلىسى

سوڭعى جاڭالىقتار

اراق اۋرۋدان ايىقتىرمايدى

كوروناۆيرۋس • كەشە

ۇقساس جاڭالىقتار