«13.05.2020 جىلى ساعات 17:05 شامالارىندا تولەبي اۋدانى, جوعارعى قاسقاسۋ اۋىلىندا قاتتى جاۋىننىڭ سالدارىنان قاسقاسۋ وزەنى تاسىپ, اۋىل ىشىندەگى 4 كوپىردى شايعان. 4 تانا جانە 4 قوي سۋعا كەتتى. ەكپىندى اۋىلىنداعى 4 ءۇيدىڭ اۋلاسىنا سۋ كىردى. وقيعا ورنىنا تجد 36 جەكە قۇرام, 5 ماتوپومپا 3 دانا تەحنيكا جۇمىلدىرىلدى. وزەننىڭ تومەنگى اعىسىندا تاسارىق, قازاقستان, كوكسايەك, زەرتاس ەلدى-مەكەندەرى ورنالاسقان. قازىرگى تاڭدا بۇل اۋىلداردا سۋ تاسۋ قاۋىپى جانە نوسەر جاۋىن جوق» دەلىنگەن تجد تاراتقان حابارلامادا.
ودان بولەك قاتتى جاۋعان جاۋىننىڭ سالدارىنان لەڭگىر قالاسىنداعى تۇرعىن ۇيلەردىڭ اۋلاسىنا سۋ كىرگەن.
«2020 جىلعى 13 مامىر ساعات 17:05 شاماسىندا تولەبي اۋدانى, قاسقاسۋ اۋىل وكرۋگىنە قاراستى جوعارعى قاسقاسۋ اۋىلىندا قاتتى جاۋعان جاۋىننىڭ سالدارىنان لەڭگىر قالاسى م.بيشيمباەۆا, نوۆوستروەۆكا كوشەسى, ق.دۇيسەمۇرات ۇلى كوشەلەرىندە ورنالاسقان تۇرعىن ۇيلەردىڭ اۋلاسىنا سۋ كىرگەن. وقيعا ورنىندا اۋداندىق اكىمشىلىكتەن 4 تەحنيكا 20 ادام,تولەبي اۋدانىنىڭ توتەنشە جاعدايلار بولىمىنەن 1 تەحنيكا, 4 جەكە قۇرام, تولەبي سۋ شارۋاشىلىعى مكك 2 تەحنيكا 7 ادام, «جارىق جولدارى» 1 تەحنيكا, 5 ادام, №5 ءوسب, №16, №32 ءوسب 82 جەكە قۇرام, 6 دانا موتوپومپا جۇمىس اتقارۋدا. سونداي-اق تۇلكىباس اۋدانى توتەنشە جاعدايلار بولىمىنەن تولەبي اۋدانىنا كومەككە 2 تەحنيكا, 20 ادام, 5 موتوپومپا جىبەرىلدى» دەلىنگەن حابارلامادا.
