بۇدان بۇرىن اتاپ كورسەتكەنىمىزدەي, قازاقستاننىڭ بۇكىلالەمدىك جەتىستىكتەر كورمەسىنە قاتىسۋ ءداستۇرى بۇدان كەيىن يسپانيا كورولدىگىندەگى ەكسپو-2008 – ساراگوسادا, قىتاي حالىق رەسپۋبليكاسىنداعى ەكسپو-2010 – شانحايدا, وڭتۇستىك كورەياداعى ەكسپو-2012 – ەسۋدا جالعاسىن تاپتى. الدىن الا ايتا كەتەتىن بولساق, يسپانيا كورولدىگىندە وتكەن وسى بۇكىلالەمدىك جەتىستىكتەر كورمەسىندە الەمنىڭ 104 مەملەكەتىنىڭ ىشىندە قازاقستان پاۆيلونى «س» كاتەگورياسى بويىنشا ءۇشىنشى ورىندى يەلەنىپ, قولا جۇلدەنى جەڭىپ العان ەدى.
بۇدان بۇرىن اتاپ كورسەتكەنىمىزدەي, قازاقستاننىڭ بۇكىلالەمدىك جەتىستىكتەر كورمەسىنە قاتىسۋ ءداستۇرى بۇدان كەيىن يسپانيا كورولدىگىندەگى ەكسپو-2008 – ساراگوسادا, قىتاي حالىق رەسپۋبليكاسىنداعى ەكسپو-2010 – شانحايدا, وڭتۇستىك كورەياداعى ەكسپو-2012 – ەسۋدا جالعاسىن تاپتى. الدىن الا ايتا كەتەتىن بولساق, يسپانيا كورولدىگىندە وتكەن وسى بۇكىلالەمدىك جەتىستىكتەر كورمەسىندە الەمنىڭ 104 مەملەكەتىنىڭ ىشىندە قازاقستان پاۆيلونى «س» كاتەگورياسى بويىنشا ءۇشىنشى ورىندى يەلەنىپ, قولا جۇلدەنى جەڭىپ العان ەدى.
ءۇش اي بويى, ياعني 2008 جىلعى 14 ماۋسىم مەن 14 قىركۇيەك ارالىعىندا يسپانيا كورولدىگىنىڭ ساراگوسا قالاسىندا ەكسپو-2008 بۇكىلالەمدىك مامانداندىرىلعان كورمەنىڭ جالاۋى جەلبىرەدى. ساراگوسادا وتكەن كورمەنىڭ 2005 جىلى جاپونيادا جانە 2010 جىلى قىتايدا وتكەن بۇكىلالەمدىك امبەباپ جەتىستىكتەر كورمەسىنەن ەرەكشەلىگى بار. حالىقارالىق كورمەلەر بيۋروسىنىڭ شەشىمىنە سايكەس بۇكىلالەمدىك مامانداندىرىلعان كورمەلەر امبەباپ كورمەلەردىڭ ارالىعىندا جالپى ۇزاقتىعى ءۇش اي مەرزىمگە جانە شەكتەۋلى اۋماقتا (25 گەكتاردان ارتىق ەمەس), بەلگىلى ءبىر تاقىرىپ شەڭبەرىندە عانا وتكىزىلەدى.
2008 جىلى يسپانيا كورولدىگىندەگى اراگون اۆتونوميالىق وبلىسىنىڭ استاناسى ساراگوسا قالاسىندا وتكىزىلگەن كورمە ناق وسىنداي مامانداندىرىلعان كورمە بولىپ تابىلادى, ونىڭ باستى تاقىرىبى «سۋ جانە تۇراقتى دامۋ» دەپ اتالدى ء(سوز رەتى كەلگەندە ايتا كەتەتىن بولساق, 2017 جىلى استانا قالاسىندا وتەتىن كورمە دە وسىنداي مامانداندىرىلعان كورمەلەر قاتارىنا جاتادى). جارتى ميلليوننان استام تۇرعىندارى بار ساراگوسا قالاسى يسپانياداعى ونەركاسىبى دامىعان ەلدەگى كولەمى جاعىنان التىنشى ورىندى يەلەنەتىن قالا. مۇندا تۇرعىنداردىڭ جانە تۋريستەردىڭ جوعارى سۇرانىسىنا جاۋاپ بەرەتىن كولىك ينفراقۇرىلىمى دامىعان. ەبرو جازىعى ەستە قالار ەرتە كەزەڭنەن-اق قونىس تەبۋگە قولايلى مەكەن بولىپ كەلەدى. كونە اراگون ديالەكتيكاسىندا سويلەيتىن يبەري تايپالارى بۇل جەردى ءبىزدىڭ ەرامىزعا دەيىنگى داۋىرلەردە مەكەندەگەن. پيرەنەي تۇبەگى ولارعا سىرتتان كەلەتىن جاۋلاپ الۋشىلار ءۇشىن قورعان بولدى. الايدا, ريم يمپەراتورى اۆگۋستانىڭ مۇزداي قارۋلانعان اسكەرى اقىرى اراگوندىقتاردىڭ اسكەرىن تالقانداپ, ءبىزدىڭ ەرامىزعا دەيىنگى 27 جىلى وسى جەردە «يمپەراتور اۆگۋستانىڭ قالاسى» ساراگوسانىڭ ىرگەتاسىن قالادى. كۇنى بۇگىنگە دەيىن ساراگوسا قالاسىندا ريم داۋىرىندەگى قورعانداردىڭ سۇلباسىن كورۋگە بولادى.
حالىقارالىق كورمەلەر بيۋروسىنىڭ شەشىمىمەن 2008 جىلى ساراگوسا قالاسى بۇكىلالەمدىك مامانداندىرىلعان كورمە وتكىزۋ قۇرمەتىن جەڭىپ الدى. دۇنيەجۇزىلىك بايقاۋدا يسپانيانىڭ الەمدىك باسەكەگە ۇسىنعان – «سۋ جانە تۇراقتى دامۋ» تاقىرىبىنىڭ ماڭىزدىلىعى جەڭىسكە جەتۋدىڭ نەگىزگى سەبەبىنىڭ ءبىرى بولدى. ويتكەنى, ءححى عاسىردا سۋ ماسەلەسى الەمدىك دەڭگەيدەگى قاۋىپتەردىڭ بىرىنە اينالىپ وتىر. قازىرگى تاڭدا پلانەتامىزدىڭ 1 ميلليارد 250 ميلليوننان استام حالقى سۋ تاپشىلىعىنان زارداپ شەگۋدە. كورمەنى وتكىزەتىن ورىن دا لايىقتى تاڭداپ الىنعان. ول ەبرو وزەنىنىڭ تاماشا جاعالاۋىندا ساراگوسا قالاسىنىڭ ورتالىق الاڭنان ەكى شاقىرىم, ال نەگىزگى تەمىر جول ستانساسىنان 300 مەتر قاشىقتىقتا ورنالاسقان.
25 گەكتار اۋماقتى الىپ جاتقان كورمە قالاشىعىنىڭ جوباسىن الەمنىڭ ەڭ تانىمال اۆانگارديست-ارحيتەكتورلارى جاساعان. كورمە قالاشىعىنىڭ اۋقىمىندا ەۋروپاداعى ەڭ ۇلكەن تۇششى سۋ اكۆاريۋمى, وتە ۇلكەن تسۋنامي تولقىندارىنىڭ كورىنىسى جانە باسقا قيال-عاجايىپقا تولى كورىنىستەر جاسالىنعان. كورمەنى ۇيىمداستىرۋشىلار وزدەرى تاڭداعان «سۋ جانە تۇراقتى دامۋ» تاقىرىبىنا جان-جاقتى دايىندىقپەن كەلدى. مۇندا سۋ ماسەلەسىنە قاتىستى بارلىق تاقىرىپتار قامتىلعان. ماسەلەن,
