«ەرتەڭنەن, 14 مامىردان باستاپ ماسكەۋدەگى وزبەكستاننىڭ ەلشىلىگى مەن رەسەيدىڭ ايماقتارىنداعى باس كونسۋلدىعى رەسەيدىڭ بارلىق ايماعىندا جۇرگەن وزبەك ازاماتتارىنا بىرجولعى كومەك تولەي باستايدى. قارجى ەلشىلىكتىڭ قايىرىمدىلىق شوتىنان الىنادى», دەپ حابارلادى رەسەيدەگى وزبەكستاننىڭ ەلشىلىگى تەلەگرام كانالىندا.
تولەمدەر مۇگەدەكتەرگە, 2 جاستاعى بوبەگى بار كوپ بالالى انالار مەن جۇكتىلىك مەرزىمى جەتى ايدان اسقان ايەلدەرگە, COVID-19 دياگنوزى بار ازاماتتار مەن رەسەي ۋنيۆەرسيتەتتەرىنىڭ كۇندىزگى ستۋدەنتتەرىنە تولەنەدى.
ءبىر رەتتىك كومەك رەسەيدە بەلگىلەنگەن ەڭ تومەنگى جالاقى مولشەرىنە تەڭ بولادى - 12 130 رۋبل ($165).
اقشا الۋ ءۇشىن ءوتىنىمدى وزبەك جانە ورىس تىلدەرىندە جۇمىس جاسايتىن mehr.rf ەلەكتروندىق پورتالى ارقىلى جىبەرۋ كەرەك. وزبەكستاننىڭ ەلشىلىگى اپتا سايىن ءوزىنىڭ ۆەب-سايتىندا جانە الەۋمەتتىك جەلىلەردە شىعىندار تۋرالى ەسەپ جاريالايدى.
رەسەيدەگى وزبەكستاننىڭ ەلشىلىگى قايىرىمدىلىق كومەك كورسەتكەن توپقا, ونىڭ ىشىندە رەسەيلىك كاسىپكەر الىشەر ۋسمانوۆقا العىسىن ءبىلدىردى.
بۇعان دەيىن باسپاسوزدە شوديەۆ حالىقارالىق قورى وزبەكستاننان رەسەيگە كوشىپ كەلگەن ميگرانتتارعا كومەك كورسەتكەنى حابارلانعان.
ماسكەۋ مەن ايماقتاعى وزبەك ازاماتتارىنا ازىق-ت ۇلىك پەن ءدارى-دارمەكتەردى تەگىن جەتكىزەتىن «ساحوۆات» ورتالىعىنان قارجى ءبولىندى.
