كومەك كەرۋەنىندەگى ازىق-ت ۇلىك پەن گيگيەنالىق زاتتار وبلىستىق شتابتىڭ اتاكەنتتەگى ورتالىقتاندىرىلعان قويماسىنا, قۇرىلىس ماتەريالدارى مىرزاكەنت كەنتىندەگى قۇرىلىس بازاسىنا ءتۇسىرىلدى.
كومەك كەرۋەنىن الماتى وبلىستىق جاستار ءىسى جونىندەگى باسقارما باسشىسى جومارت قاراتاس پەن Nur Otan پارتياسىنىڭ الماتى وبلىستىق فيليالى توراعاسىنىڭ ءبىرىنشى ورىنباسارى جانبولات جورگەنباەۆ باستاپ كەلىپتى.
جومارت قاراتاستىڭ ايتۋىنشا, گۋمانيتارلىق كومەكپەن بىرگە تالدىقورعاندىق 20 ەرىكتى جاس ەرە كەلگەن. ولار الداعى ۋاقىتتا ماقتاارال اۋدانىنداعى قۇرىلىس جۇمىستارىنا اتسالىسىپ, تۇركىستاندىق ەرىكتىلەرمەن قويان-قولتىق ەڭبەك ەتەتىن بولادى. «ماقتاارال اۋدانىندا ورىن العان اپات بارشا قازاقستاندىقتاردى الاڭداتىپ وتىرعانى بەلگىلى. وسى ورايدا اۋدان حالقىنا ەل بولىپ قولداۋ كورسەتىپ, مەملەكەتىمىزدىڭ تۇكپىر-تۇكپىرىنەن كومەكتەر توقتاۋسىز كەلىپ جاتىر. بۇگىن ءبىز دە وبلىس اكىمى اماندىق عابباس ۇلى باتالوۆتىڭ باستاماسىمەن جەتىسۋ جۇرتشىلىعىنىڭ اماناتىن ارقالاپ كەلىپ وتىرمىز. بۇل كومەك كەرۋەنىنە كيەلى ءوڭىرىمىزدىڭ كاسىپكەرلەرى مەن دەمەۋشىلەرى جانە ەرىكتىلەر ءوز ۇلەستەرىن قوستى", دەيدى جانبولات جورگەنباەۆ.
جەتىسۋ جۇرتشىلىعى جىبەرگەن 260 توننا جۇكتىڭ ىشىندە 18 توننا ۇن, 7 توننا كۇرىش, 3 630 ليتر سۇيىق ماي, 6 توننا ماكارون, جارتى توننا پەرلوۆكا, 4,5 توننا قانت, 548 دانا شاي, 6 مىڭ شارشى مەتر قۇرىلىس اعاشى, 100 توننا تسەمەنت, 20 مىڭ دانا كىرپىش, 90 قاپ قۇرىلىس قوسپاسى, 15 توننا گيپسوكارتون, 10 توننا قۇرعاق قوسپا بار.
تۇركىستان وبلىسى
