تۋريزم سالاسىندا جۇمىس ىستەيتىن قازاقستاندىق كاسىپكەرلەرگە داعدارىستان شىعۋ ءۇشىن مەملەكەتتىك قولداۋ قاجەت. تج ەنگىزىلگەن ساتتەن باستاپ قتق مەملەكەتتىك قولداۋ شارالارى بويىنشا تۋريستىك قاۋىمداستىقتىڭ ۇسىنىستارىن شوعىرلاندىرا وتىرىپ, قر ۇكىمەتىمەن جۇيەلى جۇمىس جۇرگىزۋدە. ۇسىنىستاردىڭ ءبىر بولىگى مەملەكەت تاراپىنان قۇپتالدى, بىراق ۇسىنىستاردى قابىلداۋ جەتكىلىكسىز شارا بولىپ تابىلادى. سوندىقتان قتق قر ۇكىمەتىمەن جۇمىس ورىندارىن ساقتاۋعا جانە تۋريستىك بيزنەستى قولداۋعا ىقپال ەتەتىن ناقتى قۇرالداردى ازىرلەۋ بويىنشا جۇمىستى جالعاستىرۋدا.
قازىرگى ۋاقىتتا تۋريستىك نارىقتىڭ قاتىسۋشىلارى 57 ەلدىڭ ازاماتتارى ءۇشىن ۆيزاسىز رەجىمدى 2020 جىلعى 1 قاراشاعا دەيىن توقتاتۋ, سونداي-اق قحر مەن ءۇندىستان ازاماتتارى ءۇشىن قازاقستاندا 72 ساعاتتىق ۆيزاسىز ترانزيتتىك رەجيمدى توقتاتۋ تۋرالى قر ۇكىمەتىنىڭ 2020 جىلعى 17 ساۋىردەگى قاۋلىسىنىڭ قابىلدانۋىنا الاڭداۋلى.
وتكەن جىلدارى ۆيزالىق رەجيمدى ىرىقتاندىرۋ ماقساتىندا, قازاقستانعا كىرۋگە ەلەكتروندىق ۆيزالارىن ەنگىزۋ ءۇشىن قر ۇكىمەتى قابىلداعان جۇيەلى قادامدار ەلگە تۋريستىك اعىننىڭ ۇلعايۋىنا ىقپال ەتتى, وسىلايشا شەتەل ۆاليۋتاسىنىڭ بيۋدجەتكە ءتۇسۋىن ىنتالاندىردى.
تۋريستىك نارىقتىڭ قاتىسۋشىلارى وسىنداي قيىن كەزەڭدە شەتەلدىك ازاماتتاردىڭ قازاقستان رەسپۋبليكاسىنا ۆيزاسىز كىرۋىن شەكتەۋ شارالارىن قازاقستان تۋريزم يندۋسترياسى ءۇشىن زياندى دەپ سانايدى.
قازىر شىعۋ ءتۋريزمى نارىعى بۇكىل الەم بويىنشا ءىس جۇزىندە باسەڭدەدى. كوپتەگەن تۋريستىك كومپانيالار ىشكى جانە كەلۋ تۋريزمىنە قايتا باعدارلانادى جانە بۇل داعدارىستان شىعۋدىڭ جالعىز جولى دەپ ەسەپتەيدى.
قازاقستاندى الەمدىك تۋريستىك نارىقتا تۋريستىك دەستيناتسيا رەتىندە جىلجىتۋدىڭ ناقتى قۇرالدارىنىڭ ءبىرى ءىرى حالىقارالىق كورمەلەرگە قاتىسۋ جانە شەتەلدىك تۋروپەراتورلار مەن بلوگگەرلەر ءۇشىن اقپاراتتىق تۋرلار وتكىزۋ بولىپ تابىلادى.
قازىر ەۋروپا مەن اقش سياقتى تانىمال دەستيناتسيالاردا COVID-2019 ۇلكەن تارالۋى اياسىندا قازاقستاندى تۋريستىك دەستيناتسيا رەتىندە ىلگەرىلەتۋ ءۇشىن قولايلى جاعداي قالىپتاستى. ءتيىستى ماركەتينگتىك العا جىلجۋ كەزىندە, ءبىزدىڭ ەلىمىز الەمدەگى COVID-2019 قارسى كۇرەس اياقتالعاننان كەيىن شەتەلدىك تۋريستەردى تارتۋ بويىنشا ءتيىمدى پوزيتسيالارعا يە بولا الادى.
تۋريستىك نارىقتىڭ قاتىسۋشىلارى قازاقستاننىڭ نەگىزگى نىسانالى نارىقتاردا ماركەتينگتىك العا باسۋى بويىنشا شارالاردى كۇشەيتۋدى كەلەسى جولدارمەن ۇسىنادى:
1) 2020 جىلدىڭ سوڭىنا - 2021 جىلدىڭ باسىنا جوسپارلانعان ءىرى تۋريستىك كورمەلەردە قر قوعامدىق ستەندىلەرىن ۇيىمداستىرۋ: WTM لوندوندا (2-4 قاراشا), IBTM بارسەلونادا (1-3 جەلتوقسان), تمتيا تاشكەنتتە (قاراشا-جەلتوقسان), OTDYKH MICE ماسكەۋدە (8-10 قىركۇيەك), SATTE India دەليدە (قاڭتار, 2021ج.) جانە ت. ب.;
2) 2020-21 جج. رەسەي فەدەراتسياسى, ەۋروپا (فرانكفۋرت, پاريج, لوندون, ۆەنا), تاياۋ شىعىس (دۋباي, ەر-رياد, دوحا, ماسكات جانە ت. ب.) قالالارى بويىنشا روۋد-شوۋ ۇيىمداستىرۋ;
3) تەك شەتەلدىك تۋروپەراتورلار مەن تۋراگەنتتىكتەر ءۇشىن عانا ەمەس, تىلشىلەر, بلوگەرلەر, MICE ۇيىمدارى ءۇشىن, سونداي-اق وتاندىق تۋريستىك كومپانيالار مەن باق ءۇشىن ينفوتۋرلاردى ۇيىمداستىرۋ;
4) رەسەي جانە قىتاي نارىقتارىندا ونلاين كورمەلەرى مەن ۆ2ۆ ۆەبينارلارىن ۇيىمداستىرۋ.
ورتالىق تيان-شاندا ءتۋريزمدى ۇيىمداستىرۋ ءۇشىن قازاقستان مەن قىرعىزستاننىڭ شەكتەس اۋماقتارىندا حالىقارالىق ىنتىماقتاستىق ماسەلەسىن تالقىلاۋ قاجەت. شەكارالاس اۋماقتارداعى شەكاراارالىق مارشرۋتتار بويىنشا ۇيىمداستىرىلعان تۋريستىك توپتاردىڭ ءوتۋ ءتارتىبى تۋرالى ۇكىمەتارالىق كەلىسىمگە قول قويۋدى كوپ جىلدار بويى قىرعىز تاراپى كەيىنگە قالدىرۋدا.
قازىرگى كوروناداعدارىس جاعدايىندا وسى ماسەلەدە ەكى ەلدىڭ ىنتىماقتاستىعى ورتالىق تيان-شاندا تاۋ ءتۋريزمىنىڭ دامۋىنا جاعىمدى ىقپال ەتەر ەدى. الەمدىك ستاتيستيكاعا سايكەس تاۋ ءتۋريزمىنىڭ دامىعان ينفراقۇرىلىمى بار ەلدەردىڭ ءجىو-دەگى تاۋ ءتۋريزمىنىڭ ۇلەسى ءتۋريزمنىڭ باسقا تۇرلەرىنىڭ ءجىو-دەگى ۇلەسىنەن ەسە اسىپ تۇسەدى.
