كومەك كەرۋەنى جولعا شىعار الدىندا قحا توراعاسىنىڭ ورىنباسارى – حاتشىلىق مەڭگەرۋشىسى جانسەيىت تۇيمەباەۆ اقجول تىلەپ, قايىرىمدىلىق كومەككە اتسالىسقان ەتنوس وكىلدەرىنە العىس بىلدىرگەن. جانسەيىت قانسەيىت ۇلى ءوز سوزىندە ەتنومادەني بىرلەستىكتەردەن تۇسكەن قارجى كولەمى 23 ملن 325 مىڭ تەڭگەنى قۇراعانىن جەتكىزدى. الماتىدا 98 توننا كۇندەلىكتى تۇرمىسقا قاجەتتى بۇيىمدار مەن حيميالىق زاتتار, ازىق ت ۇلىك جانە باسقا كەرەك-جاراق جينالسا, جامبىل وبلىسى قورداي اۋدانى 5 ملن 500 مىڭ تەڭگەگە ازىق-ت ۇلىك جونەلتكەن. گۋمانيتارلىق كومەك تيەلگەن كەرۋەندەردىڭ جالپى سانى - 20 جۇك كولىگىن قۇرايدى. ولاردىڭ ىشىندە قازاقستان وزبەكتەرى «دۋستليك» قاۋىمداستىعى, جامبىل وبلىسى قازاقستان حالقى اسسامبلەياسى, الماتى ۇيعىر ەتنومادەني بىرلەستىگى, شىمكەنت قالالىق قازاقستان حالقى اسسامبلەياسى سىندى ءتۇرلى ەتنوس وكىلدەرى بار. مۇنىمەن بىرگە كەنتاۋ قالاسى قازاقستان وزبەكتەرى «دۋستليك» قاۋىمداستىعىنان دا كومەك كەلىپ جەتتى.
مىرزاشولگە جەتكەن كەرۋەندى تۇركىستان وبلىستىق ءماسليحاتىنىڭ دەپۋتاتى قايرات بالابيەۆ, تۇركىستان وبلىسى قازاقستان حالقى اسسامبلەياسى توراعاسىنىڭ ورىنباسارى-حاتشىلىق مەڭگەرۋشىسى عاني رىسبەكوۆ پەن ءتۇرلى ەتنومادەني بىرلەستىكتىڭ توراعالارى كۇتىپ الىپ, كومەك قولىن سوزعان اعايىندارعا زور العىستارىن ءبىلدىردى.
تۇركىستان وبلىسى
