شاكىرتاقى باعدارلاماسى اكادەميالىق جەتىستىكتەرىمەن جانە دارىندىلىعىمەن ەرەكشەلەنەتىن جانە ءوز مەكتەپتەرىندە كوشباسشى بولىپ تابىلاتىن ستۋدەنتتەرگە بەرىلەدى. ايتا كەتۋ كەرەك, شاكىرتاقى ءۇشىنشى جىل قاتارىنان نازارباەۆ زياتكەرلىك مەكتەپتەر جەلىسىنىڭ وقۋشىلارىنا تاعايىندالىپ وتىر. بۇدان بولەك, نۇرجانعا Bentley University پرەزيدەنتتىك گرانتىن, ال Carnegie Mellon University شىعىندارىن تولىق قارجىلاندىرۋدى ۇسىنىپ وتىر. نازارباەۆ زياتكەرلىك مەكتەبىنىڭ ءباسپاسوز قىزمەتىنىڭ مالىمەتى بويىنشا, نۇرجان 9-سىنىپتان باستاپ مەكتەپتەگى ءوزىن-ءوزى باسقارۋ جۇيەسىنىڭ مۇشەسى. 11-سىنىپتا مەكتەپ پرەزيدەنتى جانە UNESCO مەكتەپ كلۋبىنىڭ توراعاسى بولعان. 10-سىنىپتا دوستارىمەن «Nautica School» ءبىلىم بەرۋ جوباسىنىڭ نەگىزىن قالاپ, ونىڭ اياسىندا وقۋشىلارعا وزدەرىنىڭ يكەمدى داعدىلارىنىڭ دامىتۋعا, سونداي-اق كەڭ ويلاۋدى مەڭگەرۋگە كومەكتەسكەن.
سونداي-اق, TEDxAbaySt ۇيىمىنىڭ مۇشەسى بولىپ, TEDxAbayStWomen جانە TEDdxYouthAbaySt كونفەرەنتسيالارىن ۇيىمداستىرۋعا قاتىسقان. Stanford Honors Academies باعدارلاماسى بويىنشا وقىپ, وندا بيزنەس پەن كوشباسشىلىق سالالارىن زەرتتەگەن. ستەنفورد كۋرستارى اياسىندا mvp (minimum viable product) – قازاقستان حالقىنىڭ الەۋمەتتىك وسال توپتارى اراسىندا قارجىلىق ساۋاتتىلىقتى جاقسارتۋ جوباسى بويىنشا جۇمىس ىستەي باستادى. سوڭعى وقۋ جىلى باستالار الدىندا ول KPMG حالىقارالىق كومپانياسىندا جازعى تاعىلىمدامادان ءوتىپ, وندا بيزنەس ماماندىعى بويىنشا وقىعىسى كەلەتىنىنە كوز جەتكىزدى. قازىرگى ۋاقىتتا «360mentors» مانساپتىق ورتالىعىندا نۇرجان مەنتورلىق قىزمەت اتقارادى.
«مەكتەپتىڭ بارلىق قىزمەتكەرلەرى مەن وقۋشىلارىنا بىلدىرگەن سەنىمى, مەكتەپ قابىرعاسىندا وتكەن ۇمىتىلماس جىلدارىم جانە مەنىڭ جەكە باسىمنىڭ قالىپتاسۋىنا قوسقان ۇلەسى ءۇشىن العىس ايتقىم كەلەدى. مەكتەپ مەنى راسىندا تاربيەلەپ شىعاردى. 7 سىنىپتا مەن قيىن ىرىكتەۋدەن قالاي وتكەنىنە ءوزى تاڭقالعان سەنىمسىز بالا بولىپ كەلسەم, قازىر مىقتى اكادەميالىق بازاسى بار كوشباسشى بولىپ كەتكەلى جاتىرمىن. نازارباەۆ زياتكەرلىك مەكتەبى مەنىڭ ءومىرىمدى تولىعىمەن وزگەرتتى. مەكتەپكە جانە 360mentors-تاعى دوستارىما كورسەتكەن كومەگى مەن بىلدىرگەن قولداۋى ءۇشىن ريزامىن», - دەپ, نۇرجان العىسىن ءبىلدىردى. ⠀
