بەلگىلى عالىم مۇفتاح دياروۆتىڭ ەڭبەگى دە, ازاماتتىق بولمىسى دا وسىلاي دەۋگە ابدەن لايىق
جاسى ۇلعايسا دا قارتتىققا بوي الدىرماعاندار قاتارىنداعى مۇفتاح دياروۆتى بىلمەيتىندەر كەمدە-كەم. عالىمنىڭ جەر استىنداعى قازبا بايلىقتاردىڭ مولدىعى تۋرالى بىلىمدارلىعى, اسىرەسە, مۇناي كەنىشتەرى جونىندە پىكىرىن بىلدىرگەندە بار دەرەكتى قاعازعا قاراماي-اق جاتقا سوعاتىنى بارشانى تاڭعالدىرادى. ءار كەن ورنىنىڭ وزىندىك ەرەكشەلىگىن, ماڭىزى مەن كەلەشەگىن ءدال مۇفتاح دياروۆتاي جەتىك بىلەتىندەر سونشالىقتى كوپ بولا قويماس. سوعان وراي كوپشىلىك ونى تۋعان جەرىنىڭ تامىرشىسى دەپ اتايدى.
بەلگىلى عالىم مۇفتاح دياروۆتىڭ ەڭبەگى دە, ازاماتتىق بولمىسى دا وسىلاي دەۋگە ابدەن لايىق
جاسى ۇلعايسا دا قارتتىققا بوي الدىرماعاندار قاتارىنداعى مۇفتاح دياروۆتى بىلمەيتىندەر كەمدە-كەم. عالىمنىڭ جەر استىنداعى قازبا بايلىقتاردىڭ مولدىعى تۋرالى بىلىمدارلىعى, اسىرەسە, مۇناي كەنىشتەرى جونىندە پىكىرىن بىلدىرگەندە بار دەرەكتى قاعازعا قاراماي-اق جاتقا سوعاتىنى بارشانى تاڭعالدىرادى. ءار كەن ورنىنىڭ وزىندىك ەرەكشەلىگىن, ماڭىزى مەن كەلەشەگىن ءدال مۇفتاح دياروۆتاي جەتىك بىلەتىندەر سونشالىقتى كوپ بولا قويماس. سوعان وراي كوپشىلىك ونى تۋعان جەرىنىڭ تامىرشىسى دەپ اتايدى.
ەڭباستىجەتىستىكتىڭبىرى – يندەردەگى №99, 100, 102 جانەساتيمولاۇلكەنكەنورىندارىنىڭاشىلۋى. تابيعي قورىنىڭ مولدىعىمەن كوپشىلىكتىڭ نازارىن اۋدارعان وسى كەن ورىندارىن اشۋعا مۇفتاح ديار ۇلى كوپ ەڭبەك ءسىڭىردى. ول ەڭبەكتەن قول ۇزبەي, دوكتورلىق ديسسەرتاتسياسىن قورعادى, 170-گە جۋىق عىلىمي ەڭبەك جازدى. مۇنىڭ سىرتىندا 8 مونوگرافياسى مەن 5 ونەرتاپقىشتىق جۇمىسى جانە بار. كەيىن ۇلتتىق عىلىم اكادەمياسىنىڭ اكادەميگى, مينەرالدى رەسۋرستار اكادەمياسىنىڭ اكادەميگى اتاندى.
بۇل كۇندە ونىڭ ەسىمى تەك قازاقستانعا عانا ەمەس, تمد ەلدەرىنە, ءتىپتى شەتمەملەكەتتەرگە كەڭىنەن تانىمال دەي الامىز. مۇنى ءوزى دە بىلەدى, بىراق بىرەۋگە ايتىپ, ماقتانعىسى جوق. جاسى 80-گە كەلسە دە ءالى كۇنگە ەلدىڭ عىلىمي الەۋەتىن كوتەرۋدى ويلايدى. قازىر عالىم ءوزى اشقان كەن ورنىنىڭ ءبىرى – ءساتيمولانى يگەرۋدە باي تاجىريبەسىمەن ءبولىسىپ, «ساتبور» كومپانياسىندا جۇمىسىن جالعاستىرىپ كەلەدى. ويتكەنى, ءساتيمولانىڭ قورىن, ونى يگەرۋدىڭ جولدارىن مۇفتاح دياروۆ وتە جاقسى بىلەدى. عالىم «ساتبور» كومپانياسىنىڭ باس ديرەكتورى تالعات قاسەنوۆ جانە كومپانيا باسشىسىنىڭ گەولوگيا جونىندەگى كەڭەسشىسى قاسان قاماشەۆپەن بىرگە 2012 جىلى «گورنو-حيميچەسكوە سىريو مەستوروجدەنيا ساتيمولا. بوراتى. كالينىە سولي» اتتى عىلىمي تۇجىرىمدامالارعا باي كىتاپ جازدى.
ءساتيمولا كەن ورنى – قۇرامىندا كالي جانە بور كەزدەسەتىن تۇزداردىڭ ءىرى مينەرالدى-شيكىزات بازاسى. وسىناۋ ءىرى كەن ورنىن يگەرۋ ءۇشىن 2001 جىلى شەتەلدىك ينۆەستوردىڭ قاتىسۋىمەن «ساتبور» تاۋ-كەن وڭدەۋشى كاسىپورنى قۇرىلدى («ساتبور» شق جشس). 2004 جىلى 19 ساۋىردە № 1391 قر ۇكىمەتىمەن جەر قويناۋىن پايدالانۋعا كەلىسىمشارت جاسالدى.
اتالعان كومپانيانىڭ قىزمەتى الەمدىك ستاندارتقا ساي مينەرالدى كالي تىڭايتقىشىن شىعارۋدى كوزدەيدى. ال بۇل قازاقستاننىڭ الەمدىك نارىقتا مينەرالدى تىڭايتقىشتى ەڭ نەگىزگى, ەڭ ماڭىزدى ءوندىرۋشى, سونداي-اق, ەڭ ماڭىزدى ەكسپورتتاۋشى بولۋىنا مۇمكىندىك بەرەدى. مىنە, ەل يگىلىگى جولىنداعى وسىناۋ ماڭىزدى جوبانىڭ ابىرويلى ىسكە اسىرىلۋىندا مۇفتاح دياروۆتىڭ دا لايىقتى ۇلەسى بار.
ءيا, تۋعان جەردىڭ تامىرشىسىنا اينالعان مۇفتاح دياروۆتاي وتانشىل ادام عانا ەل ءۇشىن ەڭبەك ەتۋدەن ەشقاشان جالىقپايدى.
جولداسبەك شوپەعۇل,
«ەگەمەن قازاقستان».
____________________
قۇتتىقتايمىز!
اكادەميك, گەولوگيا-مينەرالوگيا عىلىمدارىنىڭ دوكتورى مۇفتاح دياروۆتى 80 جاسقا تولۋىمەن قۇتتىقتايمىز.
ءسىزدى سانالى ءومىرىنىڭ 60 جىلدان استام مەرزىمىن تۋعان جەردىڭ تابيعي قازىناسىن اشۋعا, وتاندىق عىلىمنىڭ دامۋىنا ارناعان عالىم, بىلىكتى ۇستاز, اقىلشى اعا رەتىندە تانيمىز. ءوزىڭىزدىڭ ءتالىمدى تاربيەڭىز بەن ءدارىسىڭىزدى العان شاكىرتتەرىڭىز بەن ۇزاق جىلعى عىلىمي ىزدەنىسىڭىزدىڭ ناتيجەسىندە اشىلعان كەن ورىندارى ەل ەكونوميكاسىنىڭ وركەندەۋىنە قىزمەت ەتىپ كەلەدى.
ءبىز ءسىزدى بۇگىنگى 80 جاسقا تولۋىڭىزبەن شىن جۇرەكتەن قۇتتىقتاپ, مىقتى دەنساۋلىق پەن وتباسى باقىتىن تىلەيمىز.
«ساتبور» شق جشس-ءنىڭ جانە
Satimola Limited كومپانياسىنىڭ ۇجىمدارى.
