اقتوبەدە قازاقستاننىڭ حالىق جازۋشىسى تاحاۋي احتانوۆتىڭ 90 جىلدىعىنا ارنالعان ەلىمىزدىڭ دراما تەاترلارىنىڭ ححI رەسپۋبليكالىق فەستيۆالى اشىلدى. بەس كۇن بويى جۇرەتىن فەستيۆالدىڭ ماقساتى قازاقتىڭ اتاقتى جازۋشىسى, دراماتۋرگى, مەملەكەتتىك سىيلىقتىڭ لاۋرەاتى, كورنەكتى مادەنيەت جانە ونەر قايراتكەرى تاحاۋي احتانوۆتى ەسكە الۋ ەلىمىزدە تەاتر ونەرىن ناسيحاتتاۋ, ءداستۇرلى تەاتر ونەرىن دامىتۋ, دارىندى ارتىستەر مەن رەجيسسەرلەردى ىنتالاندىرۋ, قازىرگى زامانعى ساحنا ونەرىنىندەگى جاڭا باعىتتاردى انىقتاۋ, وسكەلەڭ ۇرپاقتى پاتريوتيزم رۋحىندا تاربيەلەۋگە اتسالىسۋ بولىپ تابىلادى.
اقتوبەدە قازاقستاننىڭ حالىق جازۋشىسى تاحاۋي احتانوۆتىڭ 90 جىلدىعىنا ارنالعان ەلىمىزدىڭ دراما تەاترلارىنىڭ ححI رەسپۋبليكالىق فەستيۆالى اشىلدى. بەس كۇن بويى جۇرەتىن فەستيۆالدىڭ ماقساتى قازاقتىڭ اتاقتى جازۋشىسى, دراماتۋرگى, مەملەكەتتىك سىيلىقتىڭ لاۋرەاتى, كورنەكتى مادەنيەت جانە ونەر قايراتكەرى تاحاۋي احتانوۆتى ەسكە الۋ ەلىمىزدە تەاتر ونەرىن ناسيحاتتاۋ, ءداستۇرلى تەاتر ونەرىن دامىتۋ, دارىندى ارتىستەر مەن رەجيسسەرلەردى ىنتالاندىرۋ, قازىرگى زامانعى ساحنا ونەرىنىندەگى جاڭا باعىتتاردى انىقتاۋ, وسكەلەڭ ۇرپاقتى پاتريوتيزم رۋحىندا تاربيەلەۋگە اتسالىسۋ بولىپ تابىلادى.
فەستيۆال شىمىلدىعى «نۇر وتان» حدپ وبلىستىق فيليالىنىڭ عيماراتىندا وتكەن «تاحاۋي احتانوۆ – قازاق ادەبيەتىنىڭ كلاسسيگى» اتتى عىلىمي كونفەرەنتسيامەن اشىلدى. عىلىمي كونفەرەنتسيانى جۇرگىزىپ وتىرعان بەلگىلى اقىن, «شامشىراق اقتوبە» جشس ديرەكتورى مەيىرحان اقداۋلەتوۆ «تاحاڭنىڭ تويى – پاراساتتىلىقتىڭ تويى. ول قانداي دا قۇرمەتكە, قانداي دا ماراپاتقا لايىق تۇلعا. جازۋشىنىڭ مەرەيتويىن حالىقارالىق دەڭگەيدە ۇيىمداستىرسا دا ارتىق بولماس ەدى», دەپ ايرىقشا اتاپ ءوتتى.
اقىن ەرتاي اشىقباەۆ «تاحاۋي احتانوۆ – ەرەكشە تالانت» اتتى بايانداماسىندا نەگىزىنەن جازۋشىنىڭ قازاق ادەبيەتىنىڭ التىن قورىن بايىتقان كەسەك تۋىندىلارى – «قاھارلى كۇندەر», «بوران» جانە «شىراعىڭ سونبەسىن» روماندارىن جان-جاقتى تالدادى.
ول جازۋشىنىڭ دراماتۋرگياسىنا دا توقتالا كەتتى. ەلىمىزدىڭ دراما تەاترلارىندا ونىڭ «كۇشىك كۇيەۋ» پەساسىنىڭ 100 رەت ساحنالانعانىن, «ماحاببات مۇڭى» پەساسى نەگىزىندە تۇسىرىلگەن فيلمدە قازاقتىڭ تالانتتى اقىنى تولەگەن ايبەرگەنوۆتىڭ 12 ولەڭى وقىلعانىن, «دوس-مۇقاسان» ءانسامبلىنىڭ ورىنداۋىنداعى 20 ءان قامتىلعانىن تىلگە تيەك ەتتى.
تاراز گۋمانيتارلىق-تەحنيكالىق ۋنيۆەرسيتەتىنىڭ پروفەسسورى, فيلولوگيا عىلىمدارىنىڭ دوكتورى سامەن قۇلباراق «ت.احتانوۆ – قازاق ادەبيەتىنىڭ كورنەكتى تۇلعاسى» دەگەن بايانداماسىندا جازۋشىنىڭ ادەبيەتكە دەگەن ادالدىعىن العا تارتا سويلەدى. احتانوۆتىڭ دا ادەبيەت الەمىنە ولەڭمەن كەلىپ, كەيىن قاسىم امانجولوۆتىڭ «ولەڭ جازۋدى قويساڭ قايتەدى» دەگەن ءبىر اۋىز سوزىنە قۇلاق اسىپ, پروزاعا بىرىڭعاي بەت بۇرعانىن مىسالعا كەلتىرە وتىرىپ, ادەبيەت تازالىعى جولىنداعى قارەكەتتەرىن ەسكە ءتۇسىردى. جازۋشىمەن اعالى-ءىنىلى بولىپ سىيلاسقان بەلگىلى قالامگەر قاجىعالي مۇحامبەتقاليەۆ ادەبيەتكە دەگەن ادالدىعى, كىسىلىك كەلبەتى حاقىندا وي ءوربىتتى. ونىڭ قايراتكەرلىگى, ازاماتتىعى اۋەزوۆكە قاتىستى داۋ-داماي تۋىنداعان كەزدە ايقىن كورىنگەنىن, ءباتۋالى ءسوزىن ايتىپ, اۋەزوۆتى جالادان قورعاپ شىققانىن ايتتى. تاحاڭنىڭ «تۋرا بيدە تۋعان جوق, تۋعاندى بيدە يمان جوق» دەگەندەي ادەبيەتكە كەلگەندە جالتاقتاماي تۋرا ايتاتىن قاسيەتىن قادىرلەيتىنىن جەتكىزدى. اقىن سەيفوللا وسپانوۆ جازۋشىنىڭ ازاماتتىعى تۋرالى ءسوز قوزعادى. تاحاۋي احتانوۆتىڭ تالانتتى تۇلعالار بەردىبەك سوقپاقباەۆقا, مۇقاعالي ماقاتاەۆقا جاساعان قامقورلىقتارى جايلى اڭگىمەلەدى.
فەستيۆالدىڭ اشىلۋ سالتاناتىنا جينالعاندار تاحاۋي احتانوۆ اتىنداعى كوشەنىڭ بويىندا جىلدىڭ اياعىنا دەيىن قازاق ادەبيەتىنىڭ كلاسسيكتەرى – جازۋشى تاحاۋي احتانوۆ پەن اقىن قۋاندىق شاڭعىتباەۆقا ورناتىلاتىن ەسكەرتكىشتىڭ تۇعىرتاسى قالانۋ راسىمىنە قاتىستى.
تاحاۋي احتانوۆ اتىنداعى وبلىستىق دراما تەاترى الدىنداعى اسەم بەزەندىرىلگەن الاڭدا ۇيىمداستىرىلعان فەستيۆالدىڭ سالتاناتتى اشىلۋىندا ءسوز العان مادەنيەت جانە اقپارات مينيسترلىگى مادەنيەت كوميتەتى توراعاسىنىڭ ورىنباسارى روزا كارىپجانوۆا فەستيۆالدى ۇيىمداستىرۋعا ۇيىتقى بولعان وبلىس اكىمدىگىنە مينيستر مۇحتار قۇل-مۇحاممەدتىڭ العىسىن جەتكىزدى. ءداستۇرلى وتكىزىلىپ كەلە جاتقان دراما تەاترلارى فەستيۆالىنىڭ ۇيىمداستىرىلۋىنا ريزاشىلىعىن ءبىلدىردى. وبلىس اكىمىنىڭ ورىنباسارى سارا نۇرقاتوۆا فەستيۆالعا قاتىسۋشىلاردى قۇتتىقتاپ, ونەر جولىندا ساتتىلىكتەر تىلەدى.
ودان كەيىن قازىلار القاسىنىڭ جانە فەستيۆالدى ۇيىمداستىرۋشىلاردىڭ قاتىسۋىمەن ءباسپاسو
