20 قىركۇيەكتە اقوردادا مەملەكەتتىك حاتشى م.ءتاجيننىڭ توراعالىعىمەن «قازاقستان-2050» ستراتەگياسى اياسىنداعى مەملەكەتتىك ورگانداردىڭ عىلىمي-ساراپتامالىق جۇمىستارىنىڭ جانە قازاقستان حالقى اسسامبلەياسىنىڭ عىلىمي-ساراپشىلىق كەڭەسىنىڭ جاڭا مىندەتتەرى» كۇن ءتارتىبى بويىنشا قحا عىلىمي-ساراپشىلىق كەڭەسىنىڭ كەڭەيتىلگەن وتىرىسى وتكەن بولاتىن.
20 قىركۇيەكتە اقوردادا مەملەكەتتىك حاتشى م.ءتاجيننىڭ توراعالىعىمەن «قازاقستان-2050» ستراتەگياسى اياسىنداعى مەملەكەتتىك ورگانداردىڭ عىلىمي-ساراپتامالىق جۇمىستارىنىڭ جانە قازاقستان حالقى اسسامبلەياسىنىڭ عىلىمي-ساراپشىلىق كەڭەسىنىڭ جاڭا مىندەتتەرى» كۇن ءتارتىبى بويىنشا قحا عىلىمي-ساراپشىلىق كەڭەسىنىڭ كەڭەيتىلگەن وتىرىسى وتكەن بولاتىن.
وسىدان شامالى ۋاقىت بۇرىن عانا استاناداعى بەيبىتشىلىك جانە كەلىسىم سارايىندا قازاقستان رەسپۋبليكاسىنىڭ پرەزيدەنتى, قازاقستان حالقى اسسامبلەياسىنىڭ توراعاسى نۇرسۇلتان نازارباەۆتىڭ توراعالىعىمەن «قازاقستان-2050» ستراتەگياسى: ءبىر حالىق – ءبىر ەل – ءبىر تاعدىر» كۇن تارتىبىمەن قازاقستان حالقى اسسامبلەياسىنىڭ حح سەسسياسى وتكەنى ەسىمىزدە. وندا ەلباسى «قاسيەتتى قازاق جەرىن تاتۋلىقتىڭ ءتول يەسى دەپ بەيبىتشىلىككە بولەگەن قازاقستان حالقى اسسامبلەياسى بيىل كامەلەتكە تولدى. ەل ءتاۋەلسىزدىگىنىڭ ەڭ جاۋاپتى كەزەڭىندە بىرلىگىمىزدىڭ باستاۋى بولىپ, قولىمىزبەن قۇرعان اسسامبلەيانىڭ ومىرگە كەلگەنىنە ون سەگىز جىل بولدى. وسى ارالىقتا ول ءوزىنىڭ ومىرشەڭدىگىن كورسەتىپ, ءبىزدىڭ بەيبىت قوعامنىڭ اجىراماس بولىگىنە اينالدى. ەلدىكتىڭ ءولشەمى, تۇراقتىلىقتىڭ تۇتقاسى بولا الدى», – دەپ تۇجىرىمداعان ەدى.
تاريحقا شەگىنسەك, اسسامبلەيا قۇرۋ يدەياسىن مەملەكەت باسشىسى نۇرسۇلتان نازارباەۆ العاش رەت 1992 جىلى تاۋەلسىزدىكتىڭ ءبىر جىلدىعىنا ارنالعان قازاقستان حالقىنىڭ ءبىرىنشى فورۋمىندا جاريالاعان بولاتىن. مۇنداي ينستيتۋتتى قۇرۋ قاجەتتىلىگى ساياسي تۇرعىدان, سونداي-اق جاڭادان قۇرىلعان, تاۋەلسىز, پوليەتنوستى, پوليكونفەسسيالى مەملەكەتتىڭ تۇراقتى دامۋى تۇرعىسىنان تۋىنداعان ەدى. اتالعان باستاما مادەنيەتارالىق ۇنقاتىسۋدى نىعايتۋدىڭ جاڭا كەزەڭىنىڭ نەگىزىن قالاپ, ەتنوسارالىق قاتىناستاردى دامىتۋ ماسەلەلەرىن جوعارى دەڭ-گەيدە شەشۋگە مۇمكىندىك جاسايتىن الەمدىك تاجىريبەدەگى تىڭ باعىت بولىپ تابىلدى. وسى ۋاقىتقا دەيىن اسسامبلەيا بىرنەشە دامۋ ساتىسىنان ءوتىپ, بىرقاتار وزگەرىستى باستان كەشىردى. ونىڭ دامۋى بارىسىندا ەلىمىزدە ەتنوسارالىق تولەرانتتىلىق جانە قوعامدىق كەلىسىمنىڭ قازاقستاندىق ۇلگىسى قالىپتاستى. وسى جىلدار ىشىندە قازاقستان حالقى اسسامبلەياسىنىڭ ينستيتۋتتىق قۇرىلىمى نىعايىپ, قوعامدى ۇيىستىرۋشى الەۋەتى تولىستى, ول حالىق ديپلوماتياسىنىڭ ماڭىزدى كۇرەتامىرىنا اينالدى. بۇگىندە اسسامبلەيا ەل پرەزيدەنتى توراعالىق ەتەتىن كونستيتۋتسيالىق ورگان بولىپ تابىلادى. بۇل ونىڭ ەرەكشە مارتەبەسىن ايقىندايدى.
ال قازاقستان حالقى اسسامبلەياسى عىلىمي-ساراپشىلىق كەڭەسى جايلى ءسوز قوزعاساق, بۇل ۇيىم ەلىمىزدەگى ەتنوسارالىق قاتىناستار سالاسى مەن مەملەكەتتىك ساياساتتى ءتيىمدى جۇزەگە اسىرۋدا عىلىمي نەگىزدەلگەن باعىتتار مەن شەشىمدەردى ايقىنداۋدى تالاپ ەتكەن قوعامدىق سۇرانىستى قامتاماسىز ەتۋ ماقساتىندا 2009 جىلى قۇرامىنا 25 دوكتور, 11 عىلىم كانديداتى, 6 قوعام قايراتكەرى ەنگەن قۇرىلىم رەتىندە دۇنيەگە كەلگەن بولاتىن. سونىمەن قاتار, وبلىستاردا, استانا جانە الماتى قالالارىندا دا عىلىمي-ساراپشىلىق توپتار جۇمىس ىستەۋدە. ولاردىڭ قاتارىنا قازىردە قوعام قايراتكەرلەرى, ەتنوسارالىق جانە كونفەسسياارالىق قاتىناستار ماسەلەسىمەن اينالىساتىن مەملەكەتتىك قىزمەتشىلەر, ەتنومادەني بىرلەستىكتەردىڭ جەتەكشىلەرى جانە جوعارى وقۋ ورىندارىنىڭ وكىلدەرى بار جالپى سانى 200-دەي ادام تارتىلعان.
قحا عىلىمي-ساراپشىلىق كەڭەسىنىڭ نەگىزگى مىندەتىنە ەلىمىزدەگى ەتنوساياسي, الەۋمەتتىك-ەكونوميكالىق جانە كونفەسسيالىق دامۋ ۇدەرىستەرگە كەشەندى ساراپتاما جاساۋ, اتالعان ۇدەرىستەردىڭ ەلدەگى جانە الەمدەگى دامۋىنا بولجام جاساۋ, مەملەكەتتىك ەتنوساياساتتىڭ وزەكتى باعىتتارى بويىنشا عىلىمي ساراپتامالىق جۇمىستار جۇرگىزۋ, ەتنوسارالىق جانە كونفەسسياارالىق قاتىناستار سالاسىنداعى عىلىمي-زەرتتەۋ جۇمىستارىن ۇيلەستىرۋ, اسسامبلەيانىڭ قازاقستاندىق قوعامنىڭ تۇراقتى دامۋىن قامتاماسىز ەتۋگە, جالپىۇلتتىق كەلىسىمگە قول جەتكىزۋدە ساياسي جانە ازاماتتىق ينستيتۋت رەتىندەگى ءرولىن كۇشەيتۋگە اتسالىسۋ جاتادى.
عىلىمي-ساراپشىلىق كەڭەس قىزمەتى عىلىمي-زەرتتەۋ, تالداۋ جانە ءبىلىم بەرۋ سىندى نەگىزگى ءۇش باعىتتا جۇزەگە اسۋدا. سونىمەن قاتار, كەڭەس قوعامدىق كەلىسىم, تۇراقتىلىق, تولەرانتتىلىق پەن ۇلتتىق بىرلىك, ەتنوسارالىق جانە كونفەسسياارالىق قاتىناستار سالاسىنداعى وزەكتى ماسەلەلەردى تالقىلاپ, سارالانعان, زەردەلەنگەن شەشىم قابىلداۋعا مۇمكىندىك بەرىپ وتىر. عىلى
