كوپ بالالى انا زاۋرە قاليەۆا جاڭا پاتەردە قونىس تويىن تويلاعان باقىتتى وتباسى وكىلدەرىنىڭ ءبىرى. ول جىلدار بويى باسپانا جالداپ تۇرۋعا ءماجبۇر بولعان. جولداسى قايتىس بولعان سوڭ, بالا تاربيەسى مەن پەرزەنتتەرىن اسىراۋ ءبىر ءوزىنىڭ موينىندا ەدى. اسپازشى بولىپ جۇمىس ىستەيتىن زاۋرەنىڭ جالاقىسىنا اتاۋلى الەۋمەتتىك تولەم ۇلكەن كومەك. ۇلكەن قىزى دا جۇمىس ىستەپ, اناسىنا قولعابىس ەتەدى.
– مەن 10 جىل بويى ءۇي كەزەگىندە تۇردىم. جۋىردا جاڭا پاتەرگە قول جەتكىزدىم. ءۇش بولمەلى پاتەرىم وتە كەڭ, جارىق. ەڭ باستىسى, بالالارىما ۇنايدى. قانشا جىل پاتەر جالداپ تۇردىق, باسپانادان كوپ قيىندىق كوردىك. جاڭا پاتەردىڭ كىلتى قولىما تيىسىمەن بىردەن جۇگىرىپ كەلىپ, ەسىك-تەرەزەلەردى, ەدەندى جۋىپ, قاشان كوشكەنىمشە اسىق بولدىم,– دەيدى كوپبالالى انا.
كوپقاباتتى ءۇي رەسپۋبليكالىق جانە جەرگىلىكتى بيۋدجەتتىڭ قارجىسىنا سالىندى. بارلىعى 45 پاتەر. «نۇرلى جەر» باعدارلاماسى اياسىندا سالىنعاندىقتان, 30 پاتەرى كەزەكتەگى الەۋمەتتىك جاعىنان از قامتىلعان جانە كوپبالالى وتباسىلارىنا بەرىلدى.
ستەپنوگورسك قالاسىندا بيىل تاعى ءبىر تۇرعىن ءۇيدىڭ قۇرىلىسى جۇرگىزىلۋدە. ءسويتىپ جىل سوڭىنا دەيىن تاعى 45 وتباسى باسپانالى بولادى دەپ جوسپارلانۋدا.
