كەنيا قاۋىپسىزدىك كۇشتەرى ەل استاناسى نايروبي قالاسىنداعى ساۋدا ورتالىعىن كۇشپەن ۇستاپ تۇرعان سودىرلاردان كەپىلدىككە الىنعانداردىڭ امان-ەسەن قالعاندارىن قۇتقاردى. 15 شاقتى سودىردىڭ ەكى-ۇشەۋىنەن باسقاسىنىڭ ءبارىنىڭ كوزى جويىلدى. سودىرلاردىڭ اراسىندا شەتەلدىكتەر, ونىڭ ىشىندە امەريكالىقتار دا بولعان كورىنەدى. ال كەپىلدىككە الىنعانداردان 69 ادام قازا تاپقان.
كەنيا قاۋىپسىزدىك كۇشتەرى ەل استاناسى نايروبي قالاسىنداعى ساۋدا ورتالىعىن كۇشپەن ۇستاپ تۇرعان سودىرلاردان كەپىلدىككە الىنعانداردىڭ امان-ەسەن قالعاندارىن قۇتقاردى. 15 شاقتى سودىردىڭ ەكى-ۇشەۋىنەن باسقاسىنىڭ ءبارىنىڭ كوزى جويىلدى. سودىرلاردىڭ اراسىندا شەتەلدىكتەر, ونىڭ ىشىندە امەريكالىقتار دا بولعان كورىنەدى. ال كەپىلدىككە الىنعانداردان 69 ادام قازا تاپقان.
يراك استاناسى باعداد قالاسىنىڭ سۇننيتتەر كوپ تۇراتىن اۋدانىندا جانكەشتى ءوزىن ءوزى جارىپ جىبەردى. لاڭكەستىك سالدارىنان 16 ادام كوز جۇمسا, 30-ى جارالاندى. وتكەن سەنبى كۇنى لاڭكەستەردىڭ قولىنان 73 ادام قازا تاپقان ەدى. ال شيتتەر تۇراتىن ەل استاناسى ماڭىنداعى مادينات-سادر قالاسىندا عانا 65 ادام جارىپ جىبەرىلگەن بولاتىن.
مەكسيكاعا لاپ قويعان «ينگريد» تروپيكالىق شتورمى مەن «مانۋەل» داۋىلى سالدارىنان قازا تاپقاندار سانى 115 ادامعا جەتتى. بۇل سوڭعى مالىمەت ەمەس. ەل پرەزيدەنتى ەنريكە پەنيا نەتونىڭ ايتۋىنشا, قۇرباندىقتار سانى ارتا ءتۇسۋى ىقتيمال. كەدەيلەر باسىم تۇراتىن اكاپۋلكو اۋدانىندا 23 مىڭ ءۇي ەلەكتر قۋاتىنسىز جانە سۋسىز قالعان.
شىعىس گرۋزيادا جاۋعان نوسەر جاڭبىردان تەلاۆ, احمەت جانە كۆارەل اۋداندارى توپان سۋ استىندا قالدى. وزەن ارناسىنان شىققان قارعىن سۋ قالالار مەن اۋىلداردى, جولداردى شايىپ كەتتى. كوپتەگەن جەرگىلىكتى تۇرعىندار ەگىنسىز جانە مالسىز قالدى.
يراندا تىرىسقاق اۋرۋىنا شالدىققان 170 ادام انىقتالدى. يران دەنساۋلىق ساقتاۋ مينيسترلىگى باسقارما باسشىسىنىڭ ورىنباسارى ماحمۇد ءناباۆيدىڭ ايتۋىنشا, سىرقاتتارعا قاتىستى قاجەتتى شارالار قابىلدانعان. دەرت مەڭدەگەن 170 ادامنىڭ 144-ءى اۋعانستاننان, 25-ءى پاكستاننان كەلگەندەر كورىنەدى. 25-ءى يران ازاماتتارى ەكەن.
گرەكيادا كاسىپوداقتاردىڭ ۇيىمداستىرۋىمەن جاپپاي ەرەۋىلدەر قايتادان جالعاسىپ جاتىر. كوشەگە شىققاندار گرەكيا ۇكىمەتىنىڭ قاتاڭ رەفورما ساياساتىنا نارازىلىق بىلدىرۋدە. ەل ۇكىمەتى ميللياردتاعان نەسيە الۋ ءۇشىن قاتاڭ ساياسات ۇستانۋعا ءماجبۇر بولىپ وتىر. ءسويتىپ, بيۋدجەتتىڭ قىسقارۋى, جۇمىستان بوساتۋلار, ءومىر دەڭگەيىنىڭ تومەندەۋى جاپپاي نارازىلىقتار مەن ەرەۋىلدەر تۋىنداتۋدا.
كامبودجانىڭ وپپوزيتسيالىق «ۇلتتىق قۇتقارۋ پارتياسى» پارلامەنتتىڭ كەزەكتى سەسسياسىنىڭ اشىلۋىنا بويكوت جاريالادى. ولار ءىس باسىنداعى پرەمەر-مينيستر حۋن سەننىڭ زاڭدى ۇكىمەت باسشىسى ەمەس ەكەنىن تانۋدان باس تارتىلۋىنا بايلانىستى قارسىلىق بىلدىرۋدە.
رەسەيدىڭ كراسنودار ولكەسىندە سۋ-25 اسكەري ۇشاعى اپاتقا ۇشىرادى. «ينتەرفاكس» اگەنتتىگىنىڭ حابارلاۋىنشا, ۇشقىش قازا تاپقان. اپات سەبەبىن انىقتاۋ ءۇشىن ارنايى كوميسسيا قۇرىلىپ وتىر.
«مينسك – ماسكەۋ» باعىتىنداعى №26 جولاۋشىلار پويىزى بەلورۋسسيانىڭ ۆيتەبسك وبلىسىنداعى دۋبروۆەن اۋدانىندا 52 سيىردى باسىپ كەتكەن. تابىندا بارلىعى 164 ءمۇيىزدى ءىرى قارا بولعان كورىنەدى. ال پويىز كەستەدەن ءبىر ساعاتقا كەشىككەن. كەلتىرىلگەن زيان كولەمى انىقتالۋدا.
اقپارات اگەنتتىكتەرى
ماتەريالدارى نەگىزىندە ازىرلەندى.
