الەم • 12 مامىر، 2020

قازاق-قىتاي تىلدەرىندە الەم مەدبيكەلەرىنە ءان ارنالدى (ۆيدەو)

118 رەت كورسەتىلدى

بۇگىن بۇكىل الەم حالىقارالىق مەيىربيكەلەر كۇنىن اتاپ وتۋدە. بيىلعى اق حالاتتى جانداردىڭ مەرەكەسى دۇنيەجۇزى حالقىن ۋىسىندا ۇستاعان ىندەتپەن، جاھانعا جايىلعان پاندەميامەن قاتار كەلدى.

ال وسىنداي كۇردەلى كۇندەردە تاۋلىكپەن ساناسپاي، وتباسىن ايلاپ كورمەي، دەنساۋلىق سالاسىنا قىزمەت كورسەتىپ جاتقان مەيىربيكەلەردىڭ ارمياسى مىڭداپ، ميلليونداپ سانالادى. ولار ناۋقاستاردىڭ ۇلتىنا، ناسىلىنە، الەۋمەتتىك جاعدايىنا قاراپ جىكتەمەي، كۇندىز-ءتۇنى پاتسيەنتتەردىڭ جانىنان تابىلىپ وتىر.

ءتىپتى، كوروناۆيرۋستىق پاندەميا كەزىندە مىڭداعان مەدبيكە جۇمىس بارىسىندا ىندەتكە شالدىقتى. بىرقاتار مەملەكەتتەردە جۇزدەگەن مەديتسينا قىزمەتكەرى وسى ۆيرۋستان كوز جۇمدى.

سونىمەن، بۇگىن دەنساۋلىق ساقتاۋ سالاسىنداعى ماڭىزدى مەرەكە - حالىقارالىق مەدبيكەلەر كۇنىنە وراي، اق حالاتتى پەرىشتەلەرگە قازاق-قىتاي تىلدەرىندە ءان ارنالدى.

شەكارا تاڭدامايتىن بۇل ىندەتتى قۇداي قوسقان كورشىلەرىمىز - قىتاي ەلى كۇش بىرىكتىرىپ، اۋىزبىرشىلىك تانىتقاندا بىرلەسىپ جەڭەتىنىمىزگە جىگەرلەندىرەدى.

سوڭعى جاڭالىقتار

پرەزيدەنت الماتى اكىمىن قابىلدادى

پرەزيدەنت • بۇگىن، 14:07

وتكەن تاۋلىكتە 187 ادام ىندەت جۇقتىردى

كوروناۆيرۋس • بۇگىن، 10:40

دوللار ارزاندادى

قارجى • كەشە

ۇقساس جاڭالىقتار