پارلامەنت سەناتىنىڭ قارجى جانە بيۋدجەت كوميتەتى باتىس قازاقستان وبلىسىندا كوشپەلى وتىرىس وتكىزىپ, ءبىرتۇتاس ەكونوميكالىق كەڭىستىك جانە كەدەن وداعى جاعدايىندا بيزنەس جۇرگىزۋ ماسەلەلەرى بويىنشا مەملەكەتتىك ورگانداردىڭ, قوعامدىق ۇيىمداردىڭ جانە بيزنەس قۇرىلىمداردىڭ وكىلدەرىمەن كەزدەسۋ وتكىزدى, دەپ حابارلادى وسى پالاتانىڭ ءباسپاسوز قىزمەتى.
پارلامەنت سەناتىنىڭ قارجى جانە بيۋدجەت كوميتەتى باتىس قازاقستان وبلىسىندا كوشپەلى وتىرىس وتكىزىپ, ءبىرتۇتاس ەكونوميكالىق كەڭىستىك جانە كەدەن وداعى جاعدايىندا بيزنەس جۇرگىزۋ ماسەلەلەرى بويىنشا مەملەكەتتىك ورگانداردىڭ, قوعامدىق ۇيىمداردىڭ جانە بيزنەس قۇرىلىمداردىڭ وكىلدەرىمەن كەزدەسۋ وتكىزدى, دەپ حابارلادى وسى پالاتانىڭ ءباسپاسوز قىزمەتى.
شاراعا سەنات دەپۋتاتتارى, مەملەكەتتىك ورگانداردىڭ, قوعامدىق ۇيىمداردىڭ جانە بيزنەس قۇرىلىمداردىڭ وكىلدەرى قاتىستى.
كەزدەسۋدى اشا كەلىپ باتىس قازاقستان وبلىسىنىڭ اكىمى ن.نوعاەۆ قۇتتىقتاۋ ءسوز سويلەدى. سەناتتىڭ سالالىق كوميتەتىنىڭ توراعاسى راشيت احمەتوۆ تالقىلانىپ وتىرعان ماسەلە مەملەكەت باسشىسىنىڭ «قازاقستان-2050» ستراتەگياسى» جولداۋىنداعى ەكونوميكانى جاڭعىرتۋ مىندەتتەرى اياسىندا ماڭىزدى ەكەنىن اتاپ ءوتتى.
سەناتور اتاپ وتكەندەي, «قازىرگى كەزدە قاتىسۋشى مەملەكەتتەر ەكونوميكاسىنىڭ تۇراقتى جانە ءتيىمدى دامۋىن جانە حالىقتىڭ ءومىر ءسۇرۋ دەڭگەيىن ارتتىرۋدى ماقسات ەتەتىن, سونداي-اق قاتىسۋشى مەملەكەتتەر شەكارالارى ارقىلى جۇرەتىن تاۋارلاردىڭ, قىزمەت كورسەتۋلەردىڭ, كاپيتال مەن جۇمىس كۇشتەرىنىڭ ەركىندىگىن قامتاماسىز ەتۋ بولىپ تابىلاتىن ءبىرتۇتاس ەكونوميكالىق كەڭىستىك قالىپتاسۋدا».
ءبىرتۇتاس ەكونوميكالىق كەڭىستىك جانە كەدەن وداعى جاعدايىندا بيزنەس جۇرگىزۋ ماسەلەلەرىنە قاتىستى ر.احمەتوۆ ونى زاڭنامالىق تۇرعىدا قولداۋ ماسەلەلەرىنە نازار اۋداردى.
«باتىس قازاقستان وبلىسى رەسەي فەدەراتسياسىنىڭ 5 وبلىسىمەن: سامارا, ورىنبور, ساراتوۆ, ۆولگوگراد جانە استراحان وبلىستارىمەن شەكتەسەدى. وسىعان بايلانىستى كەزدەسۋ بارىسىندا قوعامداستىققا قاتىسۋشى ەلدەردىڭ ءوزارا تاۋار اينالىمىن قامتاماسىز ەتۋ باستى نازارعا الىنۋى ءتيىس», دەدى سەناتور.
وتىرىستا ەكونوميكا جانە بيۋدجەتتىك جوسپارلاۋ كوميتەتىنىڭ وكىلى ۋ.بايقاداموۆا, «اتامەكەن» وداعى» قازاقستان ۇلتتىق ەكونوميكالىق پالاتاسى باسقارماسى توراعاسىنىڭ ءبىرىنشى ورىنباسارى ر.وشاقباەۆ, قارجى مينيسترلىگى سالىق جانە كەدەن زاڭناماسىن ۇيلەستىرۋ, كىرىستەردى تالداۋ جانە بولجاۋ دەپارتامەنتىنىڭ ديرەكتورى ۆ.ءامىرحان ۇلى, قارجى مينيسترلىگى سالىق كوميتەتى باسقارماسىنىڭ باستىعى م.بۇلعىنوۆ جانە باسقالار ءسوز سويلەپ, دەپۋتاتتار قويعان ساۋالدارعا جاۋاپ بەردى.
دوڭگەلەك ۇستەلدى قورىتىندىلاي كەلىپ, ر.احمەتوۆ زاڭنامالاردى ودان ءارى جەتىلدىرۋ جونىندەگى ناقتى ماسەلەلەر بويىنشا ايتىلعان ۇسىنىستارعا نازار اۋداردى.
كوشپەلى وتىرىس اياسىندا دەپۋتاتتار «ستەكلو-سەرۆيس» جشس جانە «ۋرالسكاگرورەمماش» اق جۇمىستارىمەن تانىسىپ, جەرگىلىكتى كاسىپورىنداردا بولدى.
