قازاقستان • 12 مامىر، 2020

تج كەزىندە قولدانۋ مەرزىمى وتكەن قۇجاتتار 10 شىلدەگە دەيىن جارامدى

36 رەت كورسەتىلدى

جارامدىلىق مەرزىمى وتكەن قۇجاتتاردى اۋىستىرۋ بيىل 10 شىلدەگە دەيىن ايىپپۇل سانكتسيالارىنسىز جۇزەگە اسىرىلاتىن بولادى.

ەلىمىزدە توتەنشە جاعداي رەجيمىن ەنگىزگەننەن كەيىن حقكو جۇمىسى 26 ناۋرىزدان باستاپ توقتاتىلدى جانە بىرقاتار مەملەكەتتىك قىزمەتتەر، ونىڭ ىشىندە جەكە باستى كۋالاندىراتىن كۋالىكتەردى قايتا راسىمدەۋ بويىنشا قىزمەتتەر كورسەتىلمەدى، دەلىنگەن polisia.kz مالىمەتىندە. توتەنشە جاعدايدى ەنگىزۋ فورس-ماجورلىق جاعداي دەپ تانىلادى، سوندىقتان قازاقستان رەسپۋبليكاسىنىڭ ۇكىمەتى ازاماتتاردىڭ كەيبىر قۇجاتتارىن جارامدى دەپ تانۋ تۋرالى قاۋلى قابىلدادى:

-  «جەكە باستى كۋالاندىراتىن قۇجاتتار تۋرالى» قازاقستان رەسپۋبليكاسى زاڭىنىڭ 6-بابىندا كورسەتىلگەن جەكە باسىن كۋالاندىراتىن قۇجاتتار;

 - جۇرگىزۋشى كۋالىكتەرى، ونىڭ ىشىندە مىندەتتى تەحنيكالىق بايقاۋدان ءوتۋ تۋرالى ۋاقىتشا كۋالىكتەر;

- ازاماتتىق جانە قىزمەتتىك قارۋ جانە ونىڭ پاتروندارىن ساتىپ الۋعا، ساقتاۋعا جانە الىپ جۇرۋگە رۇقساتتار;

- كىرۋگە جانە كەتۋگە ارنالعان رۇقساتتار (ۆيزالار)، قازاقستان رەسپۋبليكاسىندا ۋاقىتشا جانە تۇراقتى تۇرۋعا ارنالعان رۇقساتتار، ەڭبەكشى كوشىپ كەلۋشىگە جانە شەتەلدىك جۇمىس كۇشىن تارتۋعا جۇمىس بەرۋشىگە رۇقساتتار، پانا ىزدەۋشى ادامنىڭ كۋالىگى.

جارامدىلىق مەرزىمى توتەنشە جاعداي كەزەڭىندە وتكەن جوعارىدا كورسەتىلگەن قۇجاتتار توتەنشە جاعداي جويىلعان كۇننەن باستاپ كۇنتىزبەلىك الپىس كۇن ىشىندە، ياعني بيىل 10 شىلدەگە دەيىن جارامدى دەپ تانىلادى. توتەنشە جاعداي رەجيمى كەزەڭىندە جانە ول اياقتالعان كۇنىنەن باستاپ كۇنتىزبەلىك 60 كۇن ىشىندە ون التى جاسقا تولعان جانە جەكە باستى كۋالاندىراتىن قۇجات الماعان ازاماتتار ءۇشىن تۋ تۋرالى كۋالىك نەمەسە قازاقستان رەسپۋبليكاسى ازاماتىنىڭ پاسپورتى كورسەتىلگەن كەزەڭدە جەكە باسىن كۋالاندىراتىن نەگىزگى قۇجات بولىپ تابىلادى.

سوڭعى جاڭالىقتار

اراق اۋرۋدان ايىقتىرمايدى

كوروناۆيرۋس • كەشە

ۇقساس جاڭالىقتار