تۇركىستان وڭىرىندە تۇسىرىلگەن تاريحي تۋىندىلار مەن تاربيەلىك ءمانى جوعارى مۋلتفيلمدەر بالالاردىڭ كوڭىلىنەن شىعىپ, كەرەمەت كوڭىل-كۇي سىيلادى. مەكەمە قىزمەتكەرلەرى بارلىق ەۆاكۋاتسيالىق ورتالىقتارعا بارىپ, كورسەتىلىمدەر جاساماق.
ال سۋدان زارداپ شەككەن جەڭىس, نۇرلى جول, جانتاقساي, جاڭا تۇرمىس, ورگەباس, فيردوۋسي اۋىلدارىنىڭ دارىگەرلىك ەسەپتە تۇرعان جانە كوپبالالى وتباسىدان شىققان 152 وقۋشى «سارىاعاش» ەمدىك ساۋىقتىرۋ شيپاجايىنا دەمالىسقا اتتاندى. بۇل يگىلىكتى ىسكە قوعامدىق دەنساۋلىق باسقارماسى ۇيىتقى بولىپ وتىر. ماقتاارال اۋداندىق ءبىلىم ءبولىمىنىڭ باسشىسى مۇراتبەك سەرىكباەۆتىڭ ايتۋىنشا, ساناتوريدە وقۋشىلار قاشىقتان ءبىلىم الۋدى جالعاستىرىپ, ەش كەدەرگىسىز وقۋ جىلىن اياقتاپ شىعادى.
ايتا كەتەيىك, سۋ باسقان اۋىلدارداعى 5 مەكتەپتە 1820 وقۋشى ءدارىس الىپ كەلگەن. سونىمەن قاتار, 425 ءبۇلدىرشىن 6 بالاباقشاعا باراتىن. قازىرگى تاڭدا بۇل وقۋشىلار مەن بۇلدىرشىندەر ەۆاكۋاتسيالىق ورتالىقتاردا ورنالاسىپ, قاشىقتان وقىتۋ جۇيەسى ارقىلى ءبىلىم الۋدا. وقۋشىلار جاڭا باسپانالارىنا ورالعانعا دەيىن ەلىمىزدىڭ اۋماعىنداعى دەمالىس-ساۋىقتىرۋ لاگەرلەرىندە دەمالاتىن بولادى.
سونداي-اق وقۋشىلاردان بولەك, ەۆاكۋاتسيالانعان تۇرعىنداردىڭ اراسىنان 47 زەينەتكەر مەن سوزىلمالى اۋرۋى بار ءبىر توپ ناۋقاس «بىركولىك» ساۋىقتىرۋ - وڭالتۋ كەشەنىنە دەمالىسقا جىبەرىلدى. الداعى ەكى اپتادا ولار ەم قابىلدايتىن بولادى.
