قازاقستان پرەزيدەنتى نۇرسۇلتان نازارباەۆ گەرمانيانىڭ فەدەرالدىق كانتسلەرى انگەلا مەركەلگە حريستيان-دەموكراتيالىق وداعىنىڭ پارلامەنتتىك سايلاۋىندا جەڭىسكە جەتۋىنە بايلانىستى قۇتتىقتاۋ جەدەلحاتىن جولدادى, دەپ حابارلادى پرەزيدەنتتىڭ ءباسپاسوز قىزمەتى.
قازاقستان پرەزيدەنتى نۇرسۇلتان نازارباەۆ گەرمانيانىڭ فەدەرالدىق كانتسلەرى انگەلا مەركەلگە حريستيان-دەموكراتيالىق وداعىنىڭ پارلامەنتتىك سايلاۋىندا جەڭىسكە جەتۋىنە بايلانىستى قۇتتىقتاۋ جەدەلحاتىن جولدادى, دەپ حابارلادى پرەزيدەنتتىڭ ءباسپاسوز قىزمەتى.
جەدەلحاتتا سايلاۋ قورىتىندىلارى ا.مەركەلدىڭ الەۋمەتتىك-ەكونوميكالىق ماسەلەلەردى شەشۋ جونىندەگى قىزمەتى مەن گەرمانيانىڭ حالىقارالىق ءرولىن نىعايتۋعا باعىتتالعان ساياساتىنا كوپشىلىكتىڭ كورسەتكەن قولداۋىنىڭ ناقتى دالەلى ەكەنى اتاپ وتىلگەن.
«سوڭعى جىلدارى قازاقستان مەن گەرمانيا اراسىنداعى ءوزارا قارىم-قاتىناستار بارلىق باعىت بويىنشا قارقىندى دامىپ كەلە جاتقانىن زور ريزاشىلىقپەن اتاپ وتكىم كەلەدى. الداعى ۋاقىتتا دا ءبىز ەلدەرىمىز اراسىنداعى ەكىجاقتى ىنتىماقتاستىقتى جاڭا ستراتەگيالىق دەڭگەيگە شىعارۋ ءۇشىن بىرلەسكەن كۇش-جىگەرىمىزدى ايامايتىنىمىزعا سەنىمدىمىن», – دەلىنگەن قۇتتىقتاۋ جەدەلحاتىندا.
سوڭىندا نۇرسۇلتان نازارباەۆ فەدەرالدىق كانتسلەرگە زور دەنساۋلىق پەن باقىت, ال دوستاس گەرمانيا حالقىنا مول يگىلىك جانە بەيبىت ءومىر تىلەگەن.
