الماتى قالاسىنىڭ اكىمى باقىتجان ساعىنتاەۆ مەملەكەت باسشىسىنا قالانىڭ دامۋى جونىندە ەگجەي-تەگجەيلى ەسەپ بەردى.
ەكولوگيا, گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ الماتىنىڭ ەكولوگيالىق جاعدايى تۋرالى بايانداما جاسادى.
سونىمەن قاتار «ۆەرنىي كاپيتال» كومپانيالار توبىنىڭ باس ديرەكتورى ەرلان وسپانوۆ الماتى دەندرارياسىن قايتا جوندەۋ جوباسىنىڭ ەرەكشەلىكتەرى تۋرالى اڭگىمەلەپ بەردى.
قاسىم-جومارت توقاەۆ الماتى قالاسى اكىمدىگى مەن بولات وتەمۇراتوۆ قورىنىڭ بىرلەسكەن جۇمىستارىن جوعارى باعالادى. مەملەكەت باسشىسى بوتانيكالىق باقتىڭ قالا تۇرعىندارى مەن قوناقتارى ءۇشىن بۇرىنعىداي نەگىزگى دەمالىس ورىندارىنىڭ بىرىنە اينالۋى قاجەت ەكەنىن ايتتى.
– بوتانيكالىق باق – الماتىلىقتار مەن قازاقستاندىقتار ءۇشىن, اسىرەسە وسىندا تۋىپ ءوسىپ, جاستىق شاعىن وتكىزگەندەر ءۇشىن تانىمال جەر. الماتى تۇرعىندارىن وسى اۋماقتى ساقتاۋعا, وعان ءوز ۇيىندەي قاراۋعا شاقىرامىن, – دەدى مەملەكەت باسشىسى.
