بيىل اق حالاتتى ابزال جاندار ءۇشىن قيىنداۋ جىل بولىپ تۇر. كاسىبي مەرەكەلەرىن, ياعني 12 مامىر - حالىقارالىق مەيىربيكەلەر كۇنىن كارانتين رەجيمىندە اتاپ ءوتتى. رياسىز قۇرمەتكە لايىق جانداردى ناۋقاستار قۇتتىقتاۋدا. مىسالى, جەتىساي اۋداندىق ورتالىق اۋرۋحاناسىنىڭ مەدبيكەسى بايانسۇلۋ مايلىباەۆا وتباسىن كورمەگەلى ءبىر ايدىڭ ءجۇزى بولعان. وتىز جىل ءومىرىن مەديتسينا سالاسىنا ارناعان مامان ينفەكتسيالىق گوسپيتالدە تاۋلىك بويى كوروناۆيرۋسكە شالدىققان ناۋقاستارمەن بىرگە. «مەن ءۇشىن ءبىر ناۋقاستىڭ بولسا دا اۋرۋىن جەڭۋگە ۇلەسىم تيسە, بۇدان اسقان ماراپات جوق»,-دەيدى قاۋىپتى ىندەتپەن كۇرەس الاڭىندا جۇرگەن ابزال جان.
بۇل كۇنى وبلىستىق قوعامدىق دەنساۋلىق باسقارماسىنىڭ باسشىسى مارات پاشيموۆ ءار مەيىربيكەگە قۇتتىقتاۋ تىلەگىن جەتكىزدى. سونداي-اق 25 جىلدان استام جۇمىس ءوتىلى بار 120 ورتا بۋىن قىزمەتكەرگە قۇرمەت گراموتاسى تابىس ەتىلدى.
تۇركىستان وبلىسى
