ۋكراينا ۇكىمەتىءنىڭ شەتەلدىكتەرگە, سونىڭ ىشىندە قىتايعا جەر ساتۋعا نەمەسە جالعا بەرۋگە قۇقى جوق. بۇل تۋرالى ۋكراينانىڭ «KSG Agro» حولدينگىنىڭ باسشىسى سەرگەي كاسيانوۆ مالىمدەدى دەپ حابارلادى يتار-تاسس.
بۇعان دەيىن ۋكراينا 3 ملن. گەكتار جەرىن 50 جىلعا قىتايعا جالعا بەرۋگە كەلىسىمشارتقا وتىردى دەگەن حابار اقپارات الەمىن جاۋلاپ العان بولاتىن. ەندى وسى داقپىرتقا بايلانىستى ۋكراينانىڭ ءتيىستى ورگاندارى جۇرتقا تۇسىنىك بەرىپ اۋرە بولىپ جاتىر.
جوعارىدا ايتىلعان سەرگەي كاسيانوۆتىڭ مالىمدەۋىنشە, «KSG Agro» حولدينگى مەن قىتايدىڭ «Xinjiang Production and Construction» كومپانياسىاراسىندا 2013 جىلعى 31 مامىردا ازىق-ت ۇلىك ونىمدەرىن بىرلەسە ءوندىرۋ جونىندە كەلىسىم جاسالعان. سونداي-اق, ۋكراينالىقتار بۇعان دەيىن اۋىلشارۋاشىلىعى ماقساتىنداعى 2,5 ملن. گەكتاردان استام جەرىن قىتايلىقتارمەن بىرلەسە وڭدەپ كەلگەن. الگىندەگى كەلىسىمگە ساي, ەكى جاق 3 ملن. گەكتارعا دەيىنگى القاپتى بىرلەسە وڭدەپ شىعۋعا ۋاعدالاسقان. مىنە, وسى نيەتتى كەيبىر اقپارات قۇرالدارى ءوڭىن اينالدىرىپ, باسقاشا مازمۇندا تاراتىپ جىبەرگەنگە ۇقسايدى. ءسويتىپ,
ۋكراينا قىتايعا 3 ملن. گەكتار جەرىن جالعا بەرگەلى وتىر دەگەن اقپارات جەلدەي ەسە جونەلگەنگە ۇقسايدى.
جالپى, ۋكراينانىڭ قىتايعا جەردى جالعا بەردى دەگەن راستالماعان اقپاراتتىڭ باستاۋ كوزى قىتايدىڭ «حۋانتسيۋ شيباو» باسىلىمى بولعان سەكىلدى. ويتكەنى, اتالمىش گازەت سول كەزدەرى ءوزىنىڭ بەتتەرىندە: «قىتايدىڭ «Xinjiang Production» جانە «Cjnstruction Corps» فيرمالارى ۋكراينانىڭ مەملەكەتتىك «KSG Agro» اتتى اۋىلشارۋاشىلىق كومپانياسىمەن كەلىسىمشارت جاساستى. وعان سايكەس, قىتاي فەرمەرلەرىنە العاشقى كەزەڭدە دنەپروپەتروۆسك وبلىسىنان 100 مىڭ گەكتار جەر جالعا بەرىلەدى. جەر كولەمى بىرتىندەپ ءۇش ميلليون گەكتارعا دەيىن ۇلعايادى. جەر ەگىستىك ماقساتىنا جانە مال وسىرۋگە پايدالانىلادى. كەلىسىم جۇزەگە اسسا, ۋكراينا قىتايدىڭ شەتەلدەردەگى ەڭ ءىرى فەرمەرلىك ورتالىعىنا اينالادى» دەپ جازعان كورىنەدى.
جولدىباي بازار
