بۇعان دەيىن بازانى تولتىرۋ جىلىنا تەك ەكى رەت, كۇزدە جانە كوكتەمدە جۇرگىزىلەتىن. سايكەسىنشە, جۇيەدەگى اقپارات جىل سوڭىنا قاراي وزەكتىلىگىن جوعالتاتىن. ناقتى مالىمەت الۋ ءۇشىن وزگە ۇيىمدار مەكتەپتەرگە ساۋال حات جولداۋعا ءماجبۇر بولاتىن. ەندى اقپارات 24/7 رەجىمىندە تولتىرىلىپ, جاڭارتىلىپ وتىرادى.
– ايتا كەتەرلىگى, بازاعا اقپاراتتىڭ باسىم بولىگىن بۇرىنعىداي قولمەن ەنگىزىپ وتىرۋ قاجەت ەمەس. سەبەبى ۇلتتىق ءبىلىم بەرۋ دەرەكتەر قورى جتمدق («جەكە تۇلعالار» مەملەكەتتىك دەرەكتەر قورى) سىندى اقپاراتتىق جۇيەلەرمەن ينتەگراتسيالاندى. سايكەسىنشە, بەلگىلى ءبىر ادامنىڭ جسن مەن اتى-ءجونىن بازاعا جازساق, قاجەت اقپارات شىعادى.
ۇبدق مەن جتمدق ينتەگراتسياسى ەسەبىنەن ءبىز مەكتەپتەردە 800 مىڭنان استام وقۋشىعا قاتىستى دەرەكتەردىڭ قايتالانۋى جاعدايىن جويدىق. ءبىر بالا تەك ءبىر مەكتەپتە تىركەلۋى ءتيىس. بۇل جان باسىنا قارجىلاندىرۋ جۇيەسىنە كوشكەن سوڭ ەرەكشە ماڭىزدى بولىپ وتىر.
كوپشىلىكتە دەربەس دەرەكتەردى ساقتاۋ تۋرالى سۇراق تۋىندايدى. ءبىز ءۇشىن اقپاراتتى قورعاۋ – باسىمدىققا يە. دەرەكتەر قورى بوتەن ادامداردىڭ ارالاسۋىنان سەنىمدى قورعالعان جانە اقپاراتقا تەك رۇقساتى بار شەكتەۋلى قىزمەتكەرلەر ساناتىنان باسقا ەشكىم قول جەتكىزە المايدى, – دەدى مينيستر.
