بۇل كومەكتەردىڭ بارلىعى سۋ باسقان ەلدى مەكەندەرگە كومەك كورسەتۋ ماقساتىندا مامىر ايىنىڭ 3-نەن باستاپ قۇرىلعان قويمادا ساقتالۋدا. مۇندا سوڭعى ءبىر اپتادا 408 توننادان استام گۋمانيتارلىق كومەك جينالعان. اتاپ ايتساق, 97 توننا ۇن, 2,5 توننا ەت, 95 توننا ءداندى-داقىل, 61 توننا كوكونىس, 6 توننا كونسەرۆىلىك زاتتار, 26 توننا سۇيىق ماي, 65 توننا ارنايى دايىندالعان ازىق-ت ۇلىك سەبەتتەرى, كيىم-كەشەكتەر مەن گيگيەنالىق زاتتار قابىلدانعان. سونىڭ بۇگىندە 100 تونناعا جۋىعى ماقتاارال اۋدانىنداعى 11 ەۆاكۋاتسيالىق ورتالىققا جايعاستىرىلعان تۇرعىندارعا ۇلەستىرىلىپ بەرىلگەن. سونداي-اق تۋعان-تۋىستارىنىڭ ءۇيىن ۋاقىتشا پانالاپ جۇرگەن ازاماتتارعا دا ازىق-ت ۇلىكتەر جۇيەلەنگەن تارتىپپەن تاراتىلۋدا.
وسىنشاما ازىق-ت ۇلىكتىڭ ىسىراپسىز تارالۋى مەن سەبەپسىز ۇلەستىرۋىنە جول بەرمەۋ, ەل اماناتىنا قيانات جاساۋ جايتتارىن بولدىرماۋ ماقساتىندا اتاكەنت كەنتىندەگى وبلىستىق ورتالىقتاندىرىلعان قويماعا بەينەباقىلاۋ قوندىرعىلارى ورناتىلدى. قويمادا ساقتالعان زاتتاردىڭ كىمگە, قاشان بەرىلگەنىن ناقتىلاپ وتىرۋ دا ماڭىزدى. تۇركىستان وبلىستىق Nur Otan پارتياسى فيلالى توراعاسىنىڭ ءبىرىنشى ورىنباسارى بەيسەن تاجىباەۆتىڭ ايتۋىنشا, قويمادا ورناتىلعان 4 بەينەكامەرا ەكى جۇك قابىلداۋ ەسىگى مەن ىشكى شىعا بەرىس جاعىنا ورنالاستىرىلۋدا. ياعني, قويماعا ءاربىر كەلگەن جانە كەتكەن جۇك كولىكتەرى تاسپالاناتىن بولادى. بىرنەشە بەينەكامەرا ورتالىقتاندىرىلعان ءبىر كومپيۋتەرگە جالعانىپ, باسقارىلادى.
