مۋزىكاسىن ۇجىمنىڭ كوركەمدىك جەتەكشىسى, مادەنيەت قايراتكەرى شولپان قورعانبەك شىعاردى. شىعارما 3 بولىمنەن تۇرادى. شولپان قورعانبەك اتاپ وتكەندەي, ءبىرىنشى, باتىرلىق-درامالىق بولىمدە اسكەري شايقاس بەينەلەنسە, ەكىنشى, ليريكالىق بولىمدە باستى كەيىپكەر باۋىرجان مومىش ۇلىنىڭ ىشكى جان-دۇنيەسى اشىلادى, ءۇشىنشى, ومىرلىك بولىمدە جەڭىسكە جەتۋ جولدارى سۋرەتتەلەدى. شىعارمادا مانەرلەپ وقۋشى مۋزىكا سۇيەمەلدەۋىمەن اتى اڭىزعا اينالعان باتىردىڭ ولەڭدەرىن وقيدى.
شولپان قورعانبەك بۇل تۋىندىنىڭ 2019 جىلى جازىلعانىن ايتتى. ونىڭ تۇساۋكەسەرى سول جىلدىڭ جازىندا تارازدا وتكەن «كونە تاراز كۇمبىرى» ءى رەسپۋبليكالىق ەتنو-فولكلورلىق انسامبلدەر بايقاۋىن وتكىزۋ كەزىندە بولعان. سودان كەيىن شولپان قورعانبەك جامبىل وبلىسىندا دۇنيەگە كەلگەن باتىر باۋىرجان مومىش ۇلىنا ارناپ مۋزىكا جازۋدى ءجون كورگەن.
