وسى شەشىمگە سايكەس ميكروقارجى ۇيىمدارى ءۇشىن كاپيتالعا قويىلاتىن تالاپتاردى ارتتىرۋ مەرزىمدەرىن 6 ايعا, 2020 جىلدىڭ 1 شىلدەسىنەن 2021 جىلدىڭ 1 قاڭتارىنا اۋىستىرىلادى.
«قازىرگى ۋاقىتتا ميكروقارجىلىق قىزمەتپەن اينالىساتىن جانە توتەنشە جاعدايدىڭ اسەرىنەن قارىز الۋشىلارعا كەيىنگە قالدىرىلعان تولەمدەردى ۇسىناتىن ۇيىمدار جۇمىسىن توقتاتتى جانە وزدەرىنىڭ جارعىلىق كاپيتالىن ۋاقتىلى تولتىرا المايدى. وسىعان بايلانىستى جوعارىدا اتالعان ۇيىمداردىڭ جارعىلىق جانە جارعىلىق كاپيتالىنا قويىلاتىن تالاپتاردى بەلگىلەۋ كەلەسى جىلدىڭ باسىنا قالدىرىلدى» دەپ ءتۇسىندىردى اگەنتتىك وكىلدەرى.
2020 جىلدىڭ 1 قاڭتارىنا دەيىن زاڭدى تۇلعالار رەتىندە تىركەلگەن, نۇر-سۇلتان, الماتى, شىمكەنت نەمەسە وبلىس ورتالىقتارىندا جۇمىس ىستەيتىن ميكروقارجى ۇيىمدارى ءۇشىن جارعىلىق جانە مەنشىكتى كاپيتالدىڭ ەڭ تومەنگى مولشەرى 30 000 000 (وتىز ميلليون) تەڭگەنى قۇرايدى, باسقا ايماقتاردا – 10 000 000 (ون ميلليون) تەڭگە.
2020 جىلدىڭ 1 قاڭتارىنان كەيىن زاڭدى تۇلعالار رەتىندە تىركەلگەن, نۇر-سۇلتان, الماتى, شىمكەنت نەمەسە وبلىس ورتالىقتارىندا جۇمىس ىستەيتىن ميكروقارجى ۇيىمدارى ءۇشىن جارعىلىق جانە مەنشىكتى كاپيتالدىڭ ەڭ تومەنگى مولشەرى 100 000 000 ء(جۇز ميلليون) تەڭگەنى قۇرايدى, ال باسقا ايماقتاردا – 50 000 000 (ەلۋ ميلليون) تەڭگە.
نۇر-سۇلتان, الماتى, شىمكەنت نەمەسە وبلىس ورتالىقتارىندا جۇمىس جاسايتىن زاڭدى تۇلعا رەتىندە تىركەلگەن نەسيەلىك سەرىكتەستىكتەر ءۇشىن جارعىلىق جانە مەنشىكتى كاپيتالدىڭ ەڭ تومەنگى مولشەرى 10 000 000 (ون ميلليون) تەڭگەنى قۇرايدى, ال قالعان ايماقتاردا – 5 000 000 (بەس ميلليون) تەڭگە.
2020 جىلدىڭ 1 قاڭتارىنان كەيىن زاڭدى تۇلعا رەتىندە تىركەلگەن نەسيەلىك سەرىكتەستىكتەر ءۇشىن (جۇمىس ورنىنا قاراماستان) جارعىلىق جانە مەنشىكتى كاپيتالدىڭ ەڭ تومەنگى مولشەرى 50 000 000 (ەلۋ ميلليون) تەڭگەنى قۇرايدى.
باسقارما قاۋلىسىنىڭ جانە قاۋلىنىڭ قوسىمشاسىنىڭ تولىق ءماتىنى قازاقستان رەسپۋبليكاسى قارجى نارىعىن رەتتەۋ جانە دامىتۋ اگەنتتىگىنىڭ www.finreg.kz رەسمي سايتىندا «اگەنتتىك تۋرالى زاڭدار» بولىمىندە ورنالاستىرىلعان.
