بۇل رەتتە ماماندار جۇمىس ىزدەۋشىلەردىڭ تۇيىندەمەسىنىڭ ەكى ەسە از, ياعني 75,7 مىڭدى قۇرايتىندىعىن ايتادى.
«ەڭبەك رەسۋرستارىن دامىتۋ ورتالىعى» اق ساراپشىلارىنىڭ ايتۋىنشا, بوس جۇمىس ورىندارى مەن تۇيىندەمەلەر سانىنىڭ كۇرت تومەندەۋى ناۋرىز ايىندا تىركەلگەن. ماسەلەن, بوس ورىندار سانى 2019 جىلدىڭ سوڭىندا 68,9 مىڭنان 2020 جىلدىڭ ناۋرىز ايىندا 34,2 مىڭعا دەيىن ازايدى. تۇيىندەمە سانى اعىمداعى جىلدىڭ اقپان ايىندا 29 مىڭ بولسا, ناۋرىز ايىندا 20,1 مىڭعا دەيىن تومەندەگەن.
«بوس جۇمىس ورىندارى مەن تۇيىندەمەلەردىڭ كۇرت تومەندەۋى ەلدە ەنگىزىلگەن توتەنشە جاعداي رەجيمىمەن تىكەلەي بايلانىستى. الايدا, كارانتيندىك شەكتەۋلەر الىنىپ, نارىققا جان ءبىتىپ, كاسىپورىندار جۇمىسىن قايتا باستادى جانە ولار كادرلارعا مۇقتاج», - دەپ ءتۇسىندىردى «ەڭبەك رەسۋرستارىن دامىتۋ ورتالىعى» اق ۆيتسە-پرەزيدەنتى بالجان شامەنوۆا.
تۇيىندەمەلەر سانى بويىنشا سۇرانىسقا يە كاسىپتىڭ ءبىرىنشى ۇشتىگىنە 2,6 مىڭ - اۆتوكولىك جۇرگىزۋشىسى, 2,3 مىڭ – مەديتسينا (مەدبيكە) قىزمەتكەرلەرى جانە 2,2 مىڭ – زاڭگەر كىردى. الايدا, جۇمىس بەرۋشىلەر ءۇشىن قاجەت مامانداردىڭ ۇشتىگىنە - پاترۋلدەۋ ينسپەكتورى, كۇزەتشى جانە مەديتسينالىق قىزمەتكەرلەر ەندى. ەڭ از سۇرانىسقا يە ماماندىقتار (تۇيىندەمەلەر مەن بوس ورىندار اراقاتىناسى بويىنشا) - زاڭگەر, ءىس جۇرگىزۋشى جانە دەنە شىنىقتىرۋ مۇعالىمى.
جالپى, جۇمىس بەرۋشىلەر تاراپىنا ەڭ ۇلكەن سۇرانىسقا يە ماماندار: كاسىبي ماماندار - 36,6 مىڭ, قىزمەت كورسەتۋ جانە ساتۋ سالاسىنىڭ قىزمەتكەرى – 21,2 مىڭ, قۇرىلىس, كولىك جانە باسقا دا ۇقساس سالا جۇمىسشىلارى – 19,5 مىڭ بوس جۇمىس ورنى بار.
وڭىرلەر بويىنشا 2020 جىلدىڭ ءى توقسانىنىڭ قورىتىندىسى بويىنشا ەڭ كوپ بوس جۇمىس ورىندارى قوستاناي وبلىسىندا – 17,7 مىڭ. ەكىنشى ورىندا نۇر-سۇلتان – 15,8 مىڭ, ءۇشىنشى قاراعاندى وبلىسى – 10,9 مىڭ. ءتورتىنشى ورىندا الماتى – 10,6 مىڭ بوس جۇمىس ورنىن ۇسىنعان.
ەڭ از بوس ورىندار سانى ماڭعىستاۋ وبلىسىندا – 3,1 مىڭ, قىزىلوردا جانە سولتۇستىك قازاقستان وبلىستارىندا – ارقايسىسىندا 3,6 مىڭ بوس ورىندار.
بىرقاتار وبلىستاردا جۇمىس ىزدەۋشىلەر سانى ۇسىنىلعان بوس جۇمىس ورىندارىنان ارتىق. مىسالى, تۇركىستان وبلىسىندا جۇمىس ىزدەۋشىلەردىڭ سانى – 8,9 مىڭ, ماڭعىستاۋ وبلىسىندا – 6,9 مىڭ, قىزىلوردا وبلىسىندا – 6,5 مىڭ تۇيىندەمە ورنالاستىرىلدى. بۇل وڭىرلەردە جۇمىسقا سۇرانىس ۇسىنىستان اسىپ تۇسەدى. ماڭعىستاۋ وبلىسىندا 100 بوس ورىنعا 219 رەزيۋمە, قىزىلوردا وبلىسىندا – 182 رەزيۋمە, تۇركىستان قالاسىندا – 112 رەزيۋمە, الماتى وبلىسىندا – 105 رەزيۋمە. ال, كەيبىر وبلىستاردا كەرىسىنشە بوس جۇمىس ورىندارى جەتەرلىك, بىراق جۇمىس ىزدەۋشىلەردىڭ سانى از. قوستاناي وبلىسىندا 100 بوس ورىنعا 16 رەزيۋمە, نۇر-سۇلتاندا – 26 رەزيۋمە, الماتى – 27 رەزيۋمە.
جۇمىسپەن قامتۋدىڭ جول كارتاسى (ججك) جانە ءتۇرلى مەملەكەتتىك باعدارلامالار اياسىندا بيىلعى جىلى جۇمىسپەن شامامەن 1 ملن 220 مىڭ ادامدى قامتۋ جوسپارلانۋدا. جول كارتاسى اياسىندا 2020 جىلى 1265 جوبانى ىسكە اسىرۋ باستالدى, وندا 17 مىڭ جۇمىس ورنى قۇرىلدى, 10,3 مىڭ ادام جۇمىسقا ورنالاستىرىلدى.
جالپى, جۇمىسپەن قامتۋ جول كارتاسى اياسىندا 255 مىڭ جۇمىس ورنىن اشۋ جوسپارلانۋدا. سونىمەن قاتار, جول كارتاسى جوبالارى بولاشاقتا 100 مىڭنان استام تۇراقتى جۇمىس ورنىن اشۋعا نەگىز بولادى.
جۇمىسپەن قامتۋ جول كارتاسى ينفراقۇرىلىمدىق جوبالارى 4 نەگىزگى باعىت بويىنشا ىسكە اسىرىلادى:
-الەۋمەتتىك-مادەني نىسانداردى كۇردەلى جانە اعىمداعى جوندەۋ, قايتا قۇرۋ جانە سالۋ (2 703 جوبا);
-تۇرعىن ءۇي-كوممۋنالدىق شارۋاشىلىق نىساندارىن كۇردەلى, ورتاشا جانە اعىمداعى جوندەۋ (1 039 جوبا);
-كۇردەلى, ورتاشا جانە اعىمداعى جوندەۋ, قايتا جاڭارتۋ, ينجەنەرلىك-كولىكتىك ينفراقۇرىلىم قۇرىلىسى (1 799 جوبا);
- ەلدى مەكەندەردى اباتتاندىرۋ (965 جوبا).
