جاس اكتەر ءوزىنىڭ اتاسى 391-ءشى اتقىشتار ديۆيزياسى 1024-ءشى اتقىشتار پولكىنىڭ جاۋىنگەرى قازكەن تىشتىقباەۆتىڭ اسكەري ەرلىكتەرى تۋرالى ايتىپ بەردى.
بۇل چەللەندج تەك ۇلى جەڭىستى عانا ەمەس, بولاشاق ۇرپاقتىڭ بەيبىت ءومىرى ءۇشىن جانىن قيعان باتىرلارىمىزدى دا ۇمىتپاۋعا شاقىرادى.
اتالمىش اكتسيانى كوپتەگەن قازاقستاندىق تانىمال ادامدار قولدادى. ولاردىڭ اراسىندا ءانشى, قازاقستاننىڭ ەڭبەك سىڭىرگەن قايراتكەرى ءمادينا سادۋاقاسوۆا, اكتەر, رەجيسسەر جانە پروديۋسەر سانجار ماديەۆ, بيزنەسمەن بەيبىت الىبەكوۆ جانە سپورتشى الديار الىبەكوۆ, ءانشى الىشەر كاريموۆ, اكتريسا دينا تاسبۋلاتوۆا, ارتيست ءارى سيقىرشى مۇرات مۇتۇرعانوۆ, اكتريسا بيبىگۇل اقتان, اكتەر ەرمەك تۇرعانبەك, "BestBrothers" مۋزىكالىق توبى, سونداي-اق جاس جۇلدىزدار: اكتەر بەكەت مۋكەنەۆ, يلليۋستراتور حانيفا ماعجان, اكتريسا, جۋرناليست جانە بلوگەر ارۋجان حافيز, مودەل كريستينا كيريچەنكو, اكتەر ايبات ولجاتاي جانە تاعى باسقالار بار.
جوبا قاتىسۋشىلارى سونداي-اق, حالىق جادىنداعى باتىرلاردىڭ ەرلىكتەرىن ماڭگى ەستە قالدىرۋ ءۇشىن ءبارىمىزدى وسى قاتارعا قوسىلۋعا شاقىرادى. سوعىس قاھارماندارى ءبىز ءۇشىن وتانشىلدىق پەن ادالدىقتىڭ, ادامگەرشىلىك پەن ابىرويدىڭ بيىك ۇلگىسى. وسىناۋ رۋحاني قۇندىلىقتاردى ساقتاۋ جانە ارداگەرلەرىمىزدى مەيىرىم مەن قامقورلىققا بولەۋ اسا ماڭىزدى.
